Memorieboek der stad Ghent van 't jaar 1301 tot 1793. Deel 1

1329.

Schepenen van der Kuere.	Schepenen van Ghedeele.
Salemon Borluut.	Simoen Jours, over hem Gheeraert van den Pitte.^1
Willem van Vaernewyc.
Jan Utenhove.	Hughe van der Most.
Boudyn Rijm.	Antonis Bette.
Heynric van der Hoyen.	Wasselin van Lens.
Gheeraert Soetamijs.	Lievin Damman.
Jacob van der Pale.	Jan Drieghe.
Arnoud Utenberghe.	Jan van Wiendeke.
Simoen de Lappere.	Jan van Ertbuere.^2
Jacob Masch.	Jan Speliaert.^3
Joos Deynoot.	Jan van der Vennen.
Jacob Heymans.	Jan van der Stichelen.
Race van den Wale.	Gheerom van der Eeken.

In dit jaer was gheboren te Male by Brugghe de grave

1 Gherem van den Putte. S.B.

2 Jan van Heertbuer. S.B.

3 Jan Spelgiaert. S.B.

[p. 39]

Lodewijc van Male op Sente Katerynen-dach den xxiiij novembris, ende was kersten ghedaen van den bisscop van Dornyke up Sente Andries-dach, ter presentie van den bisscop van Atrecht, de abt van Sente Bertins, de abt van Sente Baefs by Ghent, de abt van Dronghene, de abt van Sente Nicolaeis by Vuerne, ende noch wasser present de hertoghe van Brabant, de grave van Valoys, mer Guwy van Vlaenderen, de graefnedinne van Namen, de vrauwe van Flynes ende meer andere lansvrauwen, die comen waren met haren staete ter eeren van den grave Lodewijc ende zynen wyve.

[In dit jaer was gheboren by Brugghe te Male Lodewijck van Male, graef Lodewijcks zone, van vrau Margriete, dochter van coninck Philips de Langhe. (S.G.)]

In dit jaer was Lessene ghewonnen ende Deinse verberrent.

[In dit jaer was Valkenborch ghewonnen ende groote wijch te Cassele. (K.M.)

Item, in dit jaer ontrent Baefsmisse soo quam vrauwe Margarete, grave Lodewijckx huysvrouwe, dochter van coninckx Philips de Langhe, aldereerst in Vlaenderen, ende wasser cerlijck ontfanghen. (K.M.)]