Memorieboek der stad Ghent van 't jaar 1301 tot 1793. Deel 1

1314.

Schepenen van der Kuere.	Schepenen van Ghedeele.
Willem de Bere.	Clays van der Hoyen.
Willem van Bruborch.^1	Jan van Vuerne.
Jan van Dessele.	Segher Masch.
Jacob Martyn,^2 over hem Jan de Ruddere.	Macharis van Schorisse.
	Clays Bech.
Jan Mabensone.	Jan van Eecke, in Douburch.^5
Jacob van Landeghem.^3	Heynric de Hane.
Everdey de Jonghe.^4	Arnout Leyscoef.
Boudyn de Bloc.	Heynric Goethals.
Ghyselbrecht Compeer.	Willem van den Hecke.
Jan de Kersmakere.	Jan Martyn, de jonghe.^6
Pieter de Mol.	Jan van den Heede, f. Ser Pieters.
Jacob Pinaert, over hem Jan Lieve.	Heynric her Hughe.
Jan Verkin.

Item, in dit jaer was de groote clocke ghemaect, die ghenaempt was Roelant, ende wouch xj^m ponden swaer ende een clepele dusent ende daer stont rontomme uppe: Roelant,

1 Willem van Brucborch. S.B.

2 Martins. S.B.

5 Jan van Hecke. S.B.

3 Jan van Landeghem. S.B.

4 Everdey de Langhe. S.B.

6 Jan Martins. S.B.

[p. 22]

Roelant, als ic cleppe dan eyst brant, als ic luude dan eyst orloghe. Ende de zelve was ghedaen maeken uut laste van scepenen.

[Item, in dit jaer was te Ghendt besteet te gietene den Roelandt, dwelck is nu de uerclocke, die in't jaer hier naer van xiij^cxlvij ghehanghen was up beelfroet, ende daer staet up gheschreven: Meester Jan van Roosbeke, clockmeester. Ick heete Roelandt, als men my slaet dan eyst sturme in Vlaenderlandt. Deum tyme. (K.M.)]

Item, in dit jaer overleet de coninc Philips van Vranckericke, die men hiet de Schoone, zeer haestelic zonder sacrament te ontfanghene, de welcke vele uploops den lande van Vlaenderen ghedaen hadde, midts de quaeden inghevene van der coninghinne sonder cause ofte redene, de welcke dede vergheven de schoone edele Phylippine, dochtere van den grave Guwy, ende haer xx camerieren dedese verdringhen ende xxx edele mannen waren alle ghehanghen, ende hilt den grave Guwy ghevanghen met vyftich edelmannen wel vier jaeren lanc, ende binnen der zelver vanghenesse was den slach te Groeninghen, ende vier reysen up Vlaenderen ghecommen.

Item, desen zelven jaere was't zeer groot waetere dat alle de vruchten bedorven ende het waert zoo dieren tyt, dat vele volcx van hongher storven.

Item, de nieuwe coninc Lodewyc wart ooc up Vlaenderen verstoort ende dede alle de Vlaminghen bannen uut Vranckericke, also wel scholieren als andere; in spyte der Vlaminghen dede hy alle de lakenen verbeuren te Parys, die in Vlaenderen ghedrapeert waeren ende hy staerf ooc curts daer naer.