Memorieboek der stad Ghent van 't jaar 1301 tot 1793. Deel 1

[p. 13]

1305.

Scepenen van der Kuere.	Scepenen van Ghedeele.
Jan Uutendale.	Baudin van der Hameeden.
Gheeraert Leeuwaert.	Govaert de Mol.
Jan de Wulf.	Willem van de Verkenesse.^7
Jan van den Hovenleden.^1	Baudin van Brugghe.
Jan van Ghavere.	Jan Rasschaert.
Jan Siboele.^2	Wauter Stocman.
Jan de Temmerman.	Jacop Lancfeit.^8
Heinderic van Broetshende.^3	Willem de Bleckere.
Jan van Buuten.	Heinderic Boele.
Jan Feroet.^4	Jan de Voldere.
Willem Steppe.	Arnout van der Vloet.
Willem Valwast.^5	Heinderic van der Hoeye.
Jan Sloove.^6	Jacop Mettercoe.

Item, grave Roberecht van Nivers, ouste zoone van den grave Ghuwy, de xxv grave in Vlaenderen, was in zynen tyden de vromste prince ende een van den vieren de vromste rudders van der werlt; hy versloech den grooten vromen Memfroot doot in Turchyen, ende behilt den stryt, daer de coninck van Vrankerycke doot bleef te Tunes, over de zee in Aragon; want die coronycke secht datter in kerstenhede gheen vromer prince en was. Hy regierde Vlanderen als grave xviij jaer; hy hadde te wyve tconincx dochtere van Secylien, daer hy by hadde eenen zoone ghenaempt Karolus Magnus, de welcke bracht t'synder gheboorte tusschen zynen scauderen een

7 Willem van den Bemelkine. S.B. Lemssekine. S.G.

1 Jan van Havenroden. S.B. Van Hevenroden. S.G.

2 Jan tSiboele. S.B. en S.G.

8 Lantfert. S.G.

3 Heynric van Broodshende. S.B. Van Broetshende. S.G.

4 Jan Troost. S.B. en S.G.

5 Van West. S.B. en S.G.

6 Jan Sloene. S.G.

[p. 14]

gauden cruuse; maer hy staerf t'synen twee jaeren ende zyn moedere staerf; daer naer traude hy de dochtere en graefnedinne van Nyvers, daer hy by hadde twee sonen Loodewyc ende Roberecht, ende drye dochteren: de vrauwe van Couchy, de vrauwe van Aynau, de vrouwe Mathilt, sgraven Matys wyf van Loreinen. Loodewyc, sgraven autste zoone, hadde te wyve de vrauwe van Retheel; hy hadde by haer eenen zoone ghenampt Loodewyc naer zynen vaedere ende eene dochtere al binnen der tyt dat zyn vaeder leefde; ende Roberecht was zeere ghequelt van den artyque ende leefde tot lxxxij jaeren ende staerf up Sente Lamberecht-dach tot Ypere in de saele, ende was begraven t'Ypere in Sente Martins-kercke in den choor in't jaer xiij^c xxij.

[Item, in desen tyt syn de Fratricelli gheweest; haer leere is gans der Anabaptisten ofte wederdoopers leer, die nu dolende loopen, omdat men niet eyghens hebben en mach, ende dat men niet regieren en soude, ende dierghelyke duyvelsche leere. (K.M.)]

[In dit jaer zoo was thof van Rome by Clemens de v^e ghetransfereert in Vranckeryck. (S.G.)]