Memorieboek der stad Ghent van 't jaar 1301 tot 1793. Deel 1

1301.

Scepenen van der Kuere.	Scepenen van Ghedeele.
Willem de Juede.	Baudin Parijs.
Claeis van der Hoye.	Goessin Selverberch.
Jan van Gavere.	Wauter Van Laetem.
Jan Martin.^1	Gillis Carreman.^5
Simon die Godgaf.	Jacop ser Looys soone.
Jacop de Maeyere.	Pieter van Ghentbrugghe.
Jacop Pynaert.^2	Jan van Deinse.
Bauwin Medeman.	Baudin Steppe.
Jan van Coyeghem.	Arnaut van den Westvelde.
Jan de Backere.^3	Wauter Stocman.
Arnaut van de Poele.	Wauter Inghele.
Willem Uutenberghe.	Willem van Lede.
Jan Crooc.^4	Bauwin van der Brugghe.

Item, in dit jaer lach de hertoghe van Gheldere voor Mechelen.

Item, in dit jaer was den wych te Groeninghen voor Curterycke up sente Benedictus-dach, daer de Vlaeminghen de victorye hadden by toedoene van mer Jan Borluut jeghens de Fransoeysen, midts der hulpe Godts. In desen slach bleven onder Fransoeysen, Hollanders, Zeelanders ende Duutschen ellef dusent edelmannen, de coninc van Majorke ende den coninck van Melieden ende bet dan acht dusent ghemeene soudeniers; doen was grooten druck in Vrancke-

1 Jan Martins. S.B.

5 Gillis Craeyeman. S.B.

2 Jacop Pinaert. S.G.

3 Marie sone. S.G.

4 Crooc. S.G.

[p. 7]

rycke van alle de edelen, ende de Vlaminghen en waeren maer stere zeven duusent ende de Fransoeysen in drye scaeren bet dan xxiiii dusent mannen te perde ende te voet.

[In desen tydt dat den slach by Curterycke ghebeurde zoo was Jan Borluyt van Ghendt met vyf dusent mannen ende stal hem secretelick uyt Ghendt zonder de wete van de stede, want tghemeente daer niet zyn en wilde; desen strydt was gedaen met Guwy van Vlaenderen, Jan van Namen zynen broeder, met Willem van Guelke ende mer Jan van Renesse als capiteynen.

Desen strydt was om dat den conynck van Vrankeryck te vooren ghevanghen hadde grave Guy van Vlaenderen, en naer tvangen van dien meende gheheel Vlaenderen te bederven metten grave Robrecht zynen oom, ende Jacques van Simpol.

De Vlaemynghen en waeren maer sterck tot zeven duysent.

Daer bleven doot twee conynghen, vele hertoghen, xxxiij baenderheeren, vele princen, en daer wierden ghevonden naer den slach 700 gulden spooren.

Dese naervolgende persoonen by naemen liggen begraeven, van die daer versleghen waeren, int clooster te Groenynghen.

Den conynck van Maiorken.	Den conynck van Medelyden.
Den hertoge van Loreynen.	Den hertoghe van Brabant.
Den bisschop van Amiens.	Grave Robrecht van Atrecht.
Den prince van Aspremont.	Jacob van Sintpol.
Grave Lodewyck van Claermont.	Den prince van Thuwarts.
	Den grave van Niele.
Den grave van Champaigne.	Den grave van Ligny.
Den grave van Ryge.	Den grave van Henegauwen.
Den grave van Buenen.	Den grave van Marcke.
Den grave van Soison.	Den heere van Wesemale.

[p. 8]

Den grave van Namen met zyne broeders.	Den heere van Clarie, broeder van den conynck van Medelyde.
Den casteleyn van Rysele.	Den heer van Versy.
Den heere van Creky.	Den heer van Versoi.
Den heere van Male.	Heer Gillis van Alengy.
Godefroy, broeder van den grave van Buenen.	Den heer van Monfade.

In gheheel den slach bleven wel xj duisent edelmans, ende viij duysent ander.

Den conynck van Vranckeryck hoorende de nieumaeren van den verliese van zyn volck, lichte vele volck en quam naer Vlaenderen; Jan van Namen met andere Vlaemynghen met een groote armeye track hem te gemoute, ende den conynck keerde weder naer Parys. (S.G.)

Dese voorseyde personagien waeren bekent by hemlieder wapene; hier bleven van over beede de syden wel xj duysent edelen en viij duysent andere. Den stryt ghedaen synde, de Vlamynghen trocken te Ricele, te Doway, daer men hemlieden de slotelen gaf van der stede. (G.)

Item, in dit jaer xiij^c i was in veele plaetsen aertbevinghe, soo dat veele lieden niet en dorsten hauden hun in huerlieder huysen, want den paus Bonifacius den VIII die lach selve op het velt van Weenen. (K.M.)

Item, in dit selve jaer was van den Turck ghewonnen de stede van Athon, ende verbranden een clooster van onser Vrauwen broeders, dat vier mylen van der stede stont ende sloeghen al doot datter inne was metten sweerde. (K.M.)

Anno xiij^c een heeft den paus Marcellus alder eerst ghemaeckt dat de clercken ofte priesters souden vry ende exempt syn van de weerelicke macht. (Bibl.)]