Een suyverlick boecxken begrypende alle de gheestelicke liedekens

[fol. D3r]

Een gheestelick Liedt.

⁺ESaias heeft ghesproken een also soeten woordt,
Wt Iesse is ghesproten, daer komt een roedeken voort,
⁺Dat roedeken sal noch bloeyen, het salder den vyandt moeyen,
Sijn Rijck sal noch worden ghestoort.

De Vaders waren ghevanghen, soo menich duysent jaer:

⁺Sy hadden soo groot verlanghen, haer lyden was soo swaer,
Om dat sy moesten derven, haers Vaders rechte erven:
Dat Goddelick aenschijn klaer.

⁺Ierimias heeft ghesproken, dat hy noch komen sal,

Wt Davids Wortel ghesproten, die ons verlossen sal,
Op de berghen komt hy springhen,
Met vreuchde willen wy singhen
⁺Den Koninck Emanuel

Wt Iacob is geresen, een sterre also klaer

⁺Een Soon is ons ghegeven, dat weten wy wel voorwaer:
een maget sal ontfangen, na haer staet ons verlangen
Zoo menigh duysent jaer.

'Tis gheschiedt by nachte, soo groote wonderheydt,

⁺Dat God de Vader wrachte, wy weten daer af bescheyt,
De Sone Godes is geboren, van eener maghet wtverkoren,
Zo ons de Schriftuere seyt.

⁺Ezechiel heeft gesproken dats een so schonen figuer

+ Esa. 10
Apoc. 5.

+ Rom. 15.

+ Gen. 6.

+ Cant. 2.
Esa. 7.

+ Num. 24

+ Esa. 7

+ Luce 17.

+ Ezech. 44.

[fol. D3v]

 

De Poorte bleef ghesloten, die Coninck ginck daer duer,

 

Hy is van haer gheboren, als een bloem wtverkoren,

 

⁺En sy bleef Maghet puer.

+ Luce 22