Cort begriip der priviligie.
ALbertus ende Isabella Clara Eugenia Eertz-hertoghen van Oostenrijck, Hertoghen van Bourgoignen, van Lothrijck, van Brabant, van Limborch, van Luxemborch ende van Gelre, Graeuen van Habsborch, van Vlaenderen, &c. Hebben gheoctroiert ende toeghelaten, Ian vanden Kerchove, ghesworen boeckdrucker, alleen te moghen drucken eenen boeck gheintituleert: den Val ende Opstandt van den Coninck ende Proghete David, met by-voegh vande Zeven Leedt-tuygende Psalmen, door Iustus de Harduijn P. Verbiedende wel expresselijck, alle andere druckers, boeckvercoopers ende ondersaeten wie sy sijn, den voorschreuen boeck vanden Val ende Op-standt vanden Coninck David, &c. Gheduerende den tijt van thien naestcommende Iaeren te drucken in g’heel ofte deel, verghelijcken ofte elders gedruckt, alhier te lande te bringhen, vercoopen ofte distribueren, op pene van confiscatie van alle ‘tghene dat ter contrarien zal ghedruckt, vergeleken ofte vercocht worden, boven andere swaere amenden, blijckende in d’openen brieven ghegeven tot Brussel in den secreten Raedt, den 25. Octob. 1619.
Onderteeckent
De Groote.
Inden Raedt van Brabant den 23. der selver maendt.
Onderteeckent
De VVitte.
Auteursrechtvrij