Het bevel van Cupido
(1653)–Albertus Ignatius d' Hanins–
Auteursrechtvrij
[pagina 52]
| |
Stemme: L’autre jour dedans Paris.
Mopsus.
HAest u Nisa metter spoet,
Haest u, en kleedt u Nymphe soet!
Laet ons t’samen in het velt
(Naer ’s Herders manieren)
Met ons’ Schaepjens onghetelt,
Gaen een weynigh zwieren.
Nisa.
2. Mopse laet my doch in rust,
Want het my seer qualijck lust:
‘t Is noch vroegh ghenoegh van tijdt,
Laet ons noch wat beyden,
| |
[pagina 53]
| |
En nemen voor-al den inbijt,
Eer dat wy ons bereyden.
Mopsus.
3. Liefste, al dat u ghelieft,
Daer-med’ ben ick wel gherieft:
Want ick dijnen dienaer ben,
En will’ dijn’ dienaer sterven:
Gheen ander vrijdtster ick en ken;
Dus laet my troost verwerven.
Nisa.
4. Mopse ghy spreeckt honigh-soet,
Ghy verwint gantsch mijn ghemoet:
Siet, ick schenck’ u mijn’ weder-minn’
Voor uw’ beleefde zeden:
Met lichaem, ziel, hert’ ende sinn’
Kom’ ick tot u ghetreden.
Mopsus.
5. Haest u Schaepjens, uyt den stal,
Springht en huppelt over-al:
| |
[pagina 54]
| |
Thoont aen uw’ manier van doen
’t Gheluck (dat ick hebb’ kreghen)
Haest u dan beestjens, wilt u spoen,
Ick merck’ Cupidoôs zeghen.
|
|