De Psalmen Dauids

Segheninghe voor den Eten.

Op de wijse: Heer, Christ eenich Godts Sone.

1

V Bidden wy v Kind'ren,
O Vader Heere groot,
Doet doch ons sorghen mind'ren
Gheeft ons t'daghelijx broot:

End' onderhout ons leuen,

T'welck ghy ons hebt ghegheuen,
Neemt wech d'eewighe doot,

2

Seghent ooc al sulx alle,
T'welc ghy hebt verleent Heer',
Dat het ons wel beualle,
Vermeert ons crachten teer,

In uwen dienst te blijuen,

Der liefden werc te drijuen,
Teghen elc euen zeer.

3

Wilt v liefde bewijsen
End' elck-een gheuen raet,
De hongherighe spijsen,
Met veel goets hun versaet:

Dat wy v alle louen,

End' v goetheyt van bouen
Bekennen vroech end' laet.