De Psalmen Dauids

Der Enghelen Lofsanck. Gloria in excelsis Deo.

1

ALleen Godt in t'Hoochste sy eer',
End' danc voor zijn ghenade,
Daerom dat nv noch nimmermeer
Ons roeren can gheen schade:
Een behaghen Godt aen ons heeft //
T'is nv vrede, die hy ons gheeft //
Alle verd' heeft een eynde.

2

Wy louen end' aenbidden dy,
Voor v eere wy dancken,
Dat Ghy Godt Vader eewich vry
Regeert heel sonder wancken,

Gansch onghemeten is v macht,

T'gheschiet wat ghy eens hebt ghedacht:
Wel ons des sijnen Heeren.

3

O Christe eenich Soon ghenoemt
Vwes Vaders almachtich,
Soender dier die waren verdoemt,
Onses twist stiller crachtich:

Lam Godts, heylich Godt, Heere groot,

[p. 112]

 

Neemt aen t'bidden van onsen noot,

 

Ontfermt v onser allen.

4

Heylighe Gheest ghy grootste goet,
Heylsaem trooster vercoren,
Door s'Duyuels macht ghy voorts behoet
Die Christus lost te voren,

Door groote pijn end' bitter doot,

Wendt af onsen iammer end' noot:
Daer op wy ons verlaten.