De Psalmen Dauids

Eenen schoonen Lofsanc. D.M.L.

1

CHristus lach in s'Doots banden zwaer,
Door

[p. 77]

 

ons sonden ghegheuen,

 

Hy is we'er verresen voorwaer,

 

End' heeft ons bracht het leuen:

 

Dies souden wy all' vrolijck zijn,

 

Godt louen ende dancken fijn:

 

End' singhen: Haleluia. Haleluia

2

Nimant en cost dwinghen den doot
Byden mensch' menichvuldich,
Dat deden onse sonden groot,
Nimant en was onschuldich,

Daer-omme de doot soo haest quam,

Ende ghewelt ouer ons nam,
End' hiel ons hart gheuanghen. Haleluia.

3

Iesus Christus Godts Soon' is saen
In ons plaetse ghecomen,
End' heeft de sonden wtghedaen,
De doot daermed' ghenomen

Alle haer recht end' crachten zwaer,

Niet dan des doots schijn en blijft daer:
D'Anghel heeft sy verloren. Halleluia.

4

T'was eenen wonderlijken strijt,
Daer de doot beuocht t'Leuen,
T'leuen hiel victorie wijt,
T'verslont den doot daer neuen:

De Schrift die heeft vercondicht dat,

Hoe dat d'eene doot d'ander at:

[p. 78]

 

Een spot is de doot worden. Halleluia.

5

Dit is het rechte Paesch-lam soet
Dat Godt gheeft wt Ghenaden,
Het welk' is aen t'Cruys (ons te goet)
In heeter Liefd' ghebraden:

Sijn bloet dat teekent onse Deur,

T'ghelooue hout dat den doot veur,
De worgher kan niet schaden. Halleluia.

6

Dus viren wy dees' hooghe Feest
Met s'Herten vreucht aendachtich,
Dat ons de Heer' verschijne meest,
Hy is selfs de Sonn' machtich,

Die door zijnder ghenaden strael

Verlicht ons Herten teenemael:
Wech is de macht der Sonden. Halleluia.

7

Wy eten ende maken cier
Vry van deser Paesch-vladen,
Den ouden deesem mach niet hier
Sijn by t'Woort der ghenaden,

Christus wil zijn de spijse reen,

End' voeden onse Siel' alleen:
T'gheloof' wilt heel dit leuen. Halleluia.