De Psalmen Dauids

Van de gheboorte Christi. Hymnus, A solis ortus cardine.

1

CHristum wy souden louen schoon,
Der reynder maecht Maria soon,
So wijt als schijnt de Sonne claer,
End' aen s'werelts eynden voorwaer.

2

De schepper alder dinghen hooch
Een heel slecht knechts lichaem aentooch,
Dat hy het vleesch door t'vleesch verworf,
End' zijn schepsel niet al verdorf.

3

Godts ghenaed' vanden Hemel groot
Haer inde reyne Moeder goot:

[p. 66]

 

Een Maecht droech den verborghen pant,

 

Dien de Natuer' was onbekent.

4

Dat sedich, Huys, dat suyuer hert'
Seer haest eenen Tempel Godts wert:
Die noyt gheen Man en heeft gheraect,
Is met Godts woort bevrucht ghemaect.

5

D'edel Moeder baerde dien daer
Die Gabriel voorseyde haer,
Dien sint Ian wees met springhen stijf,
Doen hy noch lach in s'Moeders Lijf.

6

Hy lach in Hoy met armoed' groot,
De herdde Cribb' hem niet verdroot:
Een luttel melx was zijn spijs, siet,
Die noyt Voghel hongheren liet.

7

S'Hemels Chooren zijn daer van bly,
D'Enghelen louen Godt daer by,
D'arme Herders men wete doet
S'werelts Schepper end' herder goet.3. Gloria.