Logo DBNL
Werken. Deel 1: Gedichten (1875)

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
tekstkritische noten

XIX.

 
Dit nuwe iaer es ons begonnen
 
Nu moete ons god met minnen onnen
 
Dat wijt also beginnen connen
 
Dat der minnen doghe
5
Hine levet onder der sonnen
 
Die der minnen genoech vermoghe.
 
 
 
Nuwe iaer ende nuwe daghe
 
Wetic dat hem wel behaghe
 
Die altoes gherne bliscap zaghe
10.
In ogen ende in hant
 
Die mint hem es al wage
 
Hine leve in minnen bant.
 
 
 
Met eneghen fieren vrien moede
 
Selen wi bidden der minnen goede
15
Datse ons te hare selven helpe met spoede
 
Want wi hebbens noet
 
Die levet buten der minnen hoede
 
Hi es arger dan al doet.
 
 
 
Beter es de doot dan better leven
20.
Ay minne woudi ons volgeven
 
Dat wij boven al werden verheven
 
Dat nederheit es
 
Wij sijn te verre verdreven
 
Van u ontfarme u des.
 
 
25
God die ghemaecte alle dinghe
 
Ende boven al minne es sonderlinghe
 
Hem biddic dat hi ghehinghe
 
Na sijn genoege
 
Dat minne mi minne alsoe na noch dwinghe
30.
Alse si can voeghen.
 
 
 
Dat minne can voeghen dats herde na
 
Maer hoe na ic ben dies niet en versta
 
Maer die om minnen es haest ende ga
 
Hi saelt noch weten
35
Altoos in woede hoe men minne omva
 
Hier en doech gheseten.
 
 
 
Ay ay edele vol redenen waer moeghedi dueren
 
Ja edelste alre creaturen
 
Vercoren ter minnen naturen
40.
In ghebrukene van weldighen smaken
 
Nuwe bliscap materie bloeyen alle uren
 
Sal gheweldege minne orsaten.
 
Ende ochte gruwelt den ghenen die sijn blent
 
Ende der minnen smake sijn onbekint
45
U vraghic wies ghi u onderwint
 
Ofte ghi wilt minnen segghet ic wille henen
 
Gherne daer si mi sent
 
Eest in storme eest in wenen.
 
 
 
Want ons orcondet de heileghe kerke
50.
Hare meerre hare minderen hare papen hare clerke
 
Dat minne es van den hoochste werken
 
Ende edelst bi naturen
 
Al verwintse ons si verwint alle sterke
 
Ende hare cracht sal duren
 
 
55
Alse alle dinghen selen vervaren
 
Soe sal die edele minne waren
 
Ende haer claer gheheel openbaren
 
Alse ghi in een nuwe beghin
 
Met minnen de minne selt ane staren
60.
Siet dit eest dat ic ben.
 
 
 
Alse minne hare lieve dus effene weghet
 
Ende minne duer minnen met minnen pleghet
 
Ic en weet hoe het blivet ongheseget
 
Ende ooc onverstaen
65
Want dies ghelike gheen en leget
 
Hoe minne can lieve bevaen.
 
 
 
Hen allen die minnen moets ontfarmen
 
Dat mi minne aldus laet carmen
 
Ende so dicken roepen wacharmen
70.
Welke tijt ende wanneer
 
Sal mi minne bescarmen
 
Ende segghen dijns rouwen si keer.
 
 
 
illustratie Ic saldi warmen
 
Ic ben dat ic was wilen eer
75
Nu valle in minen armen
 
Ende smake mijn rike gheleer.

Vorige Volgende