Werken. Deel 1: Gedichten(1875)– Hadewijch– Auteursrechtvrij Vorige Volgende [pagina 35] [p. 35] IX De voghelen hebben lange geswegen Die blide waren hier te voren Hare blijscap es gheleghen Dies si den somer hebben verloren 5[regelnummer] Si souden herde saen gesegghen Hadden sine weder ghecregen Want sine hebben vore al vercoren Ende daertoe werden si gheboren. Ic swighe van der voghele clage 10.[regelnummer] Haer vroude haer pine es saen te gaen Ende claghe dat mi meer meshaghe Die minne daer wi na souden staen Dat ons verweghet haer edele waghe Ende nemen vreemde na ghelaghe 15[regelnummer] Sone mach ons minne niet omvaen Ay wat ons nederheit hevet ghedaen Wie sal ons die ontrouwe verslaen. Die moghende metter sterker hant Op hen verlatic mi noch sere [pagina 36] [p. 36] 20.[regelnummer] Die altoes werken in minnen bant Ende en onsiet pine noch leet noch kere. Sine willen dore varen al dat lant Dat minne met minnen in minne ye vant Haer fine herte es soe ghehere 25[regelnummer] Die weten wat minne met minnen lere Ende hoe minne de minne met minnen erc. Waer omme soude dan ieman sparen Ochte men minne met minnen verwinnen mach Hine soude met niede in storme dore varen 30.[regelnummer] Op toeverlaet van minnen sach Ende minnen ambacht achterwaren Soe soude hem de edelheit openbaren Ay daer verclaert der minnen dach Daer men voer minne nye pine voer en ontsach 35[regelnummer] Noch van minnen nye pine en verwach. Dicke roepic hulpe alse die onverloeste Lief wanneer ghi comen selt Soe noepti mi met nuwen troeste Soe ridic minen hoghen telt 40.[regelnummer] Ende pleghe mijns liefs alse alre vroeste Ochte die van noerden van suden van oeste Van west al waren in miere ghewelt Soe werdic saen te voete ghevelt Ay wat holpe mine ellende vertelt. [tekstkritische noot]21. ontsien. - 27. iemen. - 28. men met minne verwinnen. - 29. met minnen. - 31. hacter. - 32. die edelheit. - 41. norden. - 42. ware. - 43. te voet. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij