Werken. Deel 1: Gedichten (1875)

Werken. Deel 1: Gedichten

(1875)– Hadewijch– rechtenstatus

Auteursrechtvrij

Vorige Volgende




[pagina 27]
Ga naar tekstkritische notentekstkritische noten
VII. Bi den nuwen iare Hoept men der nuwer tide Die nuwe bloemen sal bringhen Ende nuwe blyscap menechfout 5[regelnummer] Die doghet omme minne vare Hi mach wel leven blide Si ne sal hem niet ontlingen Want minnen rike ghewout Es nuwe ende wel ghemate 10.[regelnummer] Ende suete inden ghelate Ende suetet met orsate Alle nuwe sware. Ay hoe nuwe ware nu de ghene Die nuwer minnen diende 15[regelnummer] Met nuwer rechter trouwen Alsoe nuwe te rechte al soude Tierst dat hem minne verscene Soe hadde hi lettel vriende
[pagina 28]
Dat dorste hem lettel rouwen 20.[regelnummer] Hadde hi der minnen houde Want si ghevet dat nuwe goet Dat maket den nuwen moet Die in al nuwen doet Daer minne nuin gherene. 25[regelnummer] Ay de minne es nuwe alle uren Ende si vernuwet alle daghe Si maect de nuwe nieboren Altoes in nuwen goede O wi hoe mach die oude ghedueren 30.[regelnummer] Die hem voer minne versaghe Hi levet wel out in toren Altoes te cleinen spoede Want hi es van den nuwen ontweghet Ende hem es dat nuwe ontseghet 35[regelnummer] Dat in de nuwe minne gheleghet In nuwer minnen nature. Ay waer es nu nuwe minne Met haren nuwen goede Want mi doet mine ellende 40.[regelnummer] Te menech nuwe wee Mi smelten mine sinne In minnen oerewoede Die afgront daer si mi in sende Die es dieper dan die zee
[pagina 29]
45[regelnummer] Want hare nuwe diepe afgronde Die vernuwet mi de wonde Ic en sueke meer ghesonde Eer icse mi nu al kinne. Maer die nuwe oude vroede 50.[regelnummer] Die nuwe hem minnen gheven Ende nuwe hem dan niet en sparen Die hetic nuwe ende out Si leven in hoghen moede Want si hem ane minne cleven 55[regelnummer] Ende met niede altoes ane staren Dies wast in minnen haer ghewout Want si moeten alle nuwe hem wenen Ende alse oude op minne leven Daerse lief wilt leiden henen 60.[regelnummer] Met nuwen woede in nuwen woede. Die nuwer minnen scolen Met nuwer minnen volghen Na nuwer minnen rade In nuwer trouwen ere 65[regelnummer] Si scinen dicke in dolen Nochtan sijn si diepst verswolgen In minnen ongenade Daer si na swelten sere Ende soe comt dat nuwe clare 70.[regelnummer] Met allen nuwen ware Ende bringhet nuwe openbare Dat mi hadde stille bevolen.
[pagina 30]
Ay hoe suete es nuwe melden Al ghevet nuwe kere 75[regelnummer] Ende menech nuwe doghen Het es nuwe toeverlaet Want minne saelt ons wel ghelden Met groter nuwer ere Die minne salre ons met doen hoghen 80.[regelnummer] In minnen hoechste raet Daer dat nuwe gheheel sal sijn In nuwen gebrukene fijn Alse nuwe minne es al mijn Ay dit nuwe ghesciet te selden. 85[regelnummer] Alle die dit nuwe scuwen Ende hem met vremden nuwen vernuwen Hem selen de nuwe mestruwen Ende met allen nuwen scelden.	[tekstkritische noot]4. blisscap. - 11. suete. - 17. verscoende. - 18. luttel. [tekstkritische noot]24. ghereene. - 28. gode. - 42. oeren woede. [tekstkritische noot]48 mi nuwe al. - 57. alse nuwe. - 71. Oppenbare. [tekstkritische noot]88. Allen nuwe.

Vorige Volgende