Werken. Deel 1: Gedichten(1875)– Hadewijch– Auteursrechtvrij Vorige Volgende [pagina 1] [p. 1] Liederen. [pagina 3] [p. 3] Ga naar tekstkritische notentekstkritische noten I. Ay al es nu die winter cout Cort de daghe ende de nacht langhe Ons naket saen een somer stout Die ons ute dien bedwanghe Saen sal brenghen dat es in scine Bi desen nuwen iare Die hasel brenghet ons bloemen fine Dat es een teeken openbare Ay vale vale millies 10.[regelnummer] Ghi alle die nuwen tide Si dixero non satis est Omme minne wilt wesen blide. [pagina 4] [p. 4] Ende die van fieren moede sijn Wat storme hen doer de minne Ontmoet ontfaense al soe fijn Alse dit es daer ic al ane winne Ende winnen sal God geve mi al Dat ter minnen best become Na haerre ghenoechten weghe mesval 20.[regelnummer] Si mi die meeste vrome Ay vale vale millies Ghi alle die aventure Si dixero non satis est Wilt doghen om minnen nature. Ay wat salic doen ellendech wijf Met rechte maghic wel tghelucke haten Mi rouwet wel sere mijn lijf Ic en mach minnen noch laten Te rechte mi es beide fel 30.[regelnummer] Gheluc ende avonture Ic dole mijns en es niement el Dat scijnt ieghen nature Ay vale vale millies U allen laet dies ontfarmen Si dixero non satis est Dat minne mi dus laet carmen. Ay ic was ie op die minne stout Sint icse eerst hoerde noemen Ende verliet mi op haer vrie ghewout 40.[regelnummer] Dies willen mi alle doemen [pagina 5] [p. 5] Vriende ende vreemde ionc ende out Dien ic in allen sinnen Diende ie ende was van herten hout Ende onste hem allen der minnen Ay vale vale millies Ic rade hem dat si niet en sparen Si dixero non satis est Hoe ic hebbe ghevaren. Ay arme ic en mach mi selven niet 50.[regelnummer] Doen leven noch sterven Ay soete God wat es mi ghesciet Dat mi de liede bederven Lieten si u mi allene doch slaen Ghi soudet best gheraden Na recht al dat ic hebbe misdaen Ende bleven buten scaden Ay vale vale millies Die Gode niet ghewerden en laten Si dixero non satis est 60.[regelnummer] Ende niet en minnen ende haten Die wile dat si sijn over mi Wie sal haer lief dan minnen Si ghinghen bat hare weghe vri Daer si u leerden kinnen Si willen u te hulpe staen Met mi dies cleine behoeven Ghi cont na recht soenen ende slaen Ende met claerre waerheit proeven [pagina 6] [p. 6] Ay vale vale millies 70.[regelnummer] Alle die met Gode plechten Si dixero non satis est In soenen noch in rechten. Ay Salomon ontradet dat werc Dat wi niet ne ondersueken Die dinghen die ons sijn te sterc Noch dat wi niet en roeken Hoghere dinghen dan wi sijn Dat wi die ondervenden Ende laten ons die minne fijn 80.[regelnummer] Vri maken ende benden Ay vale vale millies Die der hogher minnen rade Si dixero non satis est Volclemt van grade te grade. Der menschen sinnen sijn soe clene Daer mach wel vele God boven God es van allen wijs allene Dies sal men alles hem loven Ende laten hem sijn ambacht doen 90.[regelnummer] In wreken ende in ghedoghen Hem en es gheen werc soe verre ontfloen En comt hem al vore die ogen Ay vale vale millies Die hem der minnen volgheven Si dixero non satis est Ende haren ogen ghenoech volleven. [pagina 7] [p. 7] God moete ons gheven nuwen sin Ter edelre minnen ende vrie Dat wi soe nuwe leven daer in 100.[regelnummer] Dat ons die minne ghebenedie Ende nuwe make met nuwen smake Dien si can nuwe volgheven Die minne es nuwe gheweldege orsate Dien die der minnen al nuwe volleven Ay vale vale millies Dat nuwe der nuwer minnen Si dixero non satis est Dat nuwe wilt nuwe bekinnen. [tekstkritische noot]5. dats nu in schine. - 8. teken oppenbare. - 10. die in nuwen. [tekstkritische noot]15. alsoe. - 18. datter....best come. - 29. wel. - 37. ye op de minne. [tekstkritische noot]43. ye was ende. - 53. si mi u. - 63. weghen. - 65. hulpen. [tekstkritische noot]73. ontradet were. - 77. hoge dingen dat. - 79, de minne, - 85. cleene. [tekstkritische noot]106. nuwe nuwe der minnen. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij