Briefwisseling van Hugo Grotius. Deel 10

[p. 9]

3914. 1639 januari 1. Aan A. Oxenstierna¹.

Excellentissime atque illustrissime domine,

Ministri regii Viquefordium², qui res hic agit ducis Vinariensis³, tentant, an dux in urbem Brissacum admittere velit Gallos pari aut majore quam Germanos numero. Dux vero id admissurus non est, qui et sibi certam sedem in usum belli aut pacis parare vult atque hoc modo se amicis aut hostibus facere pretiosiorem, et memoriam non deposuit amissi Philippiburgi per nationum discordiam, aliarum vero urbium et castellorum per aulae hujus negligentiam. Videtur dux munitionibus factis duabus ad Stolhovium et Drusenhemum inferna amnis Rheni clausurus Argentoratensibus superna premente Brissaco, ut magis obsequentem habeat civitatem, cujus plebs satis in ipsum prona primorum factione prohibetur.

Annum, qui hodie incipit more Gallico faustum, excellentissime domine, rebus communibus tuaeque Sublimitati precor.

Tuae Sublimitatis cultor devotissimus
H. Grotius.

1 Gedrukt Epist., p. 491; Oxenst. Skrifter 2. afd. II, p. 561; het begin in vert. bij Brandt-Cattenb., Leven II, p. 190.

2 Joachim de Wicquefort.

3 Bernhard, hertog van Saksen-Weimar.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.