Briefwisseling van Hugo Grotius. Deel 9

3888. 1638 december 16. Van I. Jasky⁴.

Illustrissime et Excellentissime Domine, Domine observandissime,

Prout negotium nostrum teloneareum⁵ multos summopere afficit, ita quidam hoc tam privatim quam publicis editis scriptis⁶ promovere, alteri impedire annisi sunt. In quorum numero et autores harum epistolarum esse videntur, quas hic iunctas⁷ Excellentiae Vestrae mitto.

Rex⁸ Varsaviam sub initium huius mensis advenit post festum Nativitatis Christi in Lithvaniam discessurus ibique hybernaturus. Et quanquam thesaurarius Lithvaniae⁹ nomine provinciae suae summam quandam argenti S.R. Maiestati obtulerit petieritque, ut iter hoc differret, potissimum hoc tempore, quo Lithvania mediis regiam Maiestatem cum aula sustentandi destituatur, tamen a proposito dimovere non potuit.

Comes Monte Cuculli¹⁰ brevi in Poloniam veniet sororem regiam¹¹ in matrimonium filio¹² defuncti archiducis Leopoldi solemniter petiturus.

Cosaci qui iam in gratiam regiam redierant, levi sub praetextu rursus tumultuantur et more suo vicinos sibi agros depopulantur.

Nihil habeo quod iam addam nisi preces humillimas, ut Excellentia Vestra me semper in numero clientum suorum habere dignetur credatque me tamdiu quam vita supererit permansurum Excellentiae Vestrae obsequentissimum.

Jasky mpp.

4 Hs. Utrecht, RA., Prov. Arch. Boetzelaer 556, 13. Eigenh. oorspr. Beantw. dd. 5 februari 1639.

5 Het betreft hier de moeilijkheden rond de Poolse tol te Dantzig.

6 Zie p. 629 n. 9.

7 Ontbreekt.

8 Wladislas VII (IV) van Polen.

9 Michael Tryzna.

10 Raimondo Montecuccoli (1609-1680).

11 Constance (1619-1651) dochter van Sigismund III van Polen. Zij huwde echter in 1642 met Philipp Wilhelm van de Palts (1615-1690).

12 Karl (1628-1662), zoon van aartshertog Leopold V van Oostenrijk (1586-1632). Hij huwde in 1646 met Anna de Medici.

Dab. currente calamo Dantisci die 16 Decembris A.^o M.DC.XXXVIII.

Boven aan de brief schreef Grotius: Rec. 5 Febr. 1639.