Briefwisseling van Hugo Grotius. Deel 9

3840. 1638 november 12. Van Christina van Zweden².

Christina, Dei gratia, Suecorum, Gothorum Wandalorumque designata Regina et Princeps haereditaria, Magna Princeps Finlandiae, Dux Esthoniae et Careliae, Ingriaeque Domina.

Gratiam et favorem nostrum singularem.

Nobilis et Magnifice, sincere nobis fidelis.

Celare te nolumus commisisse Nos Nostro Amsterodami degenti commissario³, ut ad Requisitum Collegii Ammiralitatis Nostrae in usum rei nauticae lintea, ex quibus vela conficiuntur, coëmeret. Qui nuper per literas suas Nobis significavit mandato Nostro se fecisse satis et in Gallia ducentos convolutos fasciculos habere paratos, quos actutum concessa facultate inde exportandi in regnum Nostrum destinavit.

Facilitando huic negocio clementer a te requirimus, ut pro solita tua industria velis eorum liberam et sine onere, si fieri possit, exportationem impetrare haud diffidentes, quin Sua Serenitas Christianissimus Galliarum Rex⁴ eiusque Serenitatis ministri id amicitiae ac mutuo foederi, quibus iuncti sint, daturi.

Quibus te Divinae protectioni commendamus.

Dabantur in Regia Nostra Stocholmensi, die 2 Novemb. A.^o 1638.

Sac.^ae Reg. M.^tis Regnique Sueciae respective
Tutores et Administratores
Matthias Soop
Loco R.ⁱS. Archidapiferi
Jacobus De La Gardie
R.S. Marschallus m.p.
Claudius Flemingh
loco RS. Ammiralii
m.p.^ria

2 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 5. Orig. In de bundel Hugo de Gr. Aanw. 1911 XXIII no. 5 bevindt zich ook een afschrift van deze brief met enige kleine verschillen en gedateerd 3 Novemb. (d.i. 13 november n.s.).

3 Vermoedelijk Johannes Le Thor.

4 Lodewijk XIII.

[p. 689]

Axelius Oxenstierna
R.S. Cancellarius
m.p.
Gabriel Oxenstiern L.B.
in Moereby et Lindholm
R.S. Thesaurarius m.p.

Adres: Nobili ac Magnifico nobis sincere fideli, Domino Hugoni Grotio, nostro apud Christianissimum Galliarum Regem legato ordinario.

Boven aan de brief schreef Grotius: Rec. 17 febr.

In dorso: 2 Nov. 1638 La Reine.