Briefwisseling van Hugo Grotius. Deel 9

3800. 1638 oktober 12. Aan J. van Reigersberch⁹.

Nobilissime Reigersbergi,

Venetiis te esse, id est tanto nos propius, sane gaudemus.

De vulnere dolemus plurimum. Vides ab hoc exemplo, quam inopinatis malis subjaceat haec vita, quo magis ita vivendum nobis est, ut mortem audeamus intrepidi excipere. Caeterum speramus Dei bonitate jam remedia reperta isti malo brevique tibi redituram valetudinem ac vires, ut laetos tuos laetus videas.

Ego a tertiana jam plane convalui. Caeteri nostri valent omnes, te amant ac salutant.

9 Gedrukt Epist., p. 471. Geadresseerde was Johan, oudste zoon van de in 1632 overleden rentmeester van Zeeland Bewester-Schelde, Johan van Reigersberch.

[p. 623]

Plane ita tibi persuadeas velim nullum esse officiorum genus, quod non a nobis exspectare debeas. Id absens, id praesens experiere.

Deus te incolumem nobis sistat.

Vale, optime Reigersbergi.

Tuus toto animo
H. Grotius.

Lutetiae, 12 Octob. 1638.