Briefwisseling van Hugo Grotius. Deel 9

3508. 1638 maart 27. Aan A. Oxenstierna².

Excellentissime atque Illustrissime Domine,

Abiit cis paucos dies Smitsbergius³ copias suas collecturus, aucturus ad bis mille, deinde cum Guebriano⁴ ad ducem Vinariensem⁵ iturus. Id iter intra mensem confecturum se sperat. Dux autem majorem habet exercitum quam hic aut creditur aut credi expedit, ne in auxilio mittendo lentiores aut contractiores fiant hi homines. Et captivi multi et transfugae ejus militiam sumpsere, deinde, ut fit, ad tam illustris victoriae famam et spem praedae concurrerunt multi; ita ut decem ferme millia sint universi tum novi tum veteres.

Princeps Condaeus⁶ adhuc itineri Aquitanico se parat cum mandatis non in hostem tantum, ad Espernonium⁷ praefectura illa excutiendum et introducenda vectigalia, quibus restitum est hactenus Espernonio dissimulante.

Signa, quae proelio adeptus est Vinariensis, suspenduntur in aede hujus urbis episcopali. Hautefortia⁸ regis⁹ animum ut ante possidet multisque honoribus attollitur. Chevreusii autem uxor¹⁰, illecebrosa femina, amari dicitur ab Hispaniae rege¹¹, in cujus aula nunc agit.

Nihildum ex Anglis intelligere potui, quod magni me aliquid sperare jubeat de Palatini¹² rebus, unde pendere videtur et Hassiacae viduae¹³ deliberatio.

Captivorum, quos adeptus est dux Vinariensis, Savellius¹⁴ apud ipsum mansurus creditur; ceterum alii Montempellicardi, alii Benfeldium, alii Hohentwilam deportari. Decimo hujus mensis, ut hic numeramus, die praefectus Rinfeldi¹⁵ militari more interpellatus est de oppido dedendo iisdem legibus, quibus Nordlin-

2 Gedrukt Epist., p. 413; Oxenst. Skrifter 2 afd. II, p. 457.

3 Ludwig von Schmidberg.

4 Jean Baptiste de Budes, maarschalk van Guébriant.

5 Bernhard, hertog van Saksen-Weimar.

6 Henri de Bourbon, prins van Condé.

7 Jean Louis de Nogaret de La Valette, hertog van Epernon.

8 Marie de Hautefort.

9 Lodewijk XIII.

10 Marie de Rohan, gehuwd met Claude de Lorraine, hertog van Chevreuse.

11 Philips IV.

12 Karl Ludwig van de Palts.

13 Amelia Elisabeth van Hanau-Münzenberg, landgravin van Hessen-Kassel.

14 Federigo Savelli, hertog van Poggio Nativo.

15 Johann Rödel.

[p. 174]

gam olim ceperat Gallasius¹. Bodendorfius², cujus insignis in supremo proelio virtus fuit, magno cum honore humatus Basileae.

Nuntius Polonicus³ nondum auditus a rege est. Dicunt qui ipsum videre omissum a rege Poloniae⁴ illud de nova adeo suspecta protestantibus militari societate consilium.

Rex ad sex millia, quae duci Vinariensi missurum se dixerat, addit duo millia ex iis copiis, quae cardinalis Vlaettae⁵ in Italiam nunc ituri fuere. Sed haec, quae dicuntur, octo millia ad quinque puto recedent per deliquia et diffugia.

Rhaetorum primoribus XX millia scutatorum divisit legatus Hispanicus⁶. Nec minus Lucernae pontificios Helvetios sibi largitionibus mancipat. Protestantes earum partium, sicut de victoria ducis Vinariensis gaudent, ita metuunt, ne belli procella et in ipsorum terras effundatur caesarianis et Bavaricis prope Constantiam, ut fama est, illuc parantibus. Sed haec uberius exequetur Marinus⁷.

Deum rogo, Excellentissime et Illustrissime Domine, ut res regni, reginae⁸ Tuaeque Sublimitatis propitius adspiciat.

Tuae Sublimitatis cultor devotissimus
H. Grotius.

1 Matthias, graaf Gallas.

2 Ludwig von Bodendorf.

3 William Forbes, secretaris van de koning van Polen.

4 Wladislas VII (IV).

5 Louis de Nogaret d'Epernon de La Valette.

6 Graaf Antonio Biglia.

7 Charles Marin(i), Zweeds nieuwsagent betreffende Zwitserland en naburige landen.

8 Christina van Zweden.

Lutetiae, 17/27 Martii 1638.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.