Briefwisseling van Hugo Grotius. Deel 6

2290. [1635 september 28.] Aan Christina van Zweden⁹.

Sicut minora perferri ad aures Sacratissimae Majestatis Tuae tanto fastigio indignum arbitror, ita siquid ad res communes momentum non leve habens inciderit, eo fraudandam non existimo.

Quale nunc est, quod reversum in cisrhenanas partes Galassium¹⁰ Valettae¹¹ exercitus cum socialibus insecutus copiis inter Rhenum ac Mosellam agmen ejus

9 Gedrukt Epist., p. 184.

10 Matthias, graaf Gallas, bevelhebber van Ferdinand II.

11 Louis de Nogaret d'Epernon de La Valette.

[p. 244]

postremum, quatuor et amplius equitum millibus constans, cecidit ac disjecit machinasque cepit tredecim.

Regis¹ ipsius nunc in Lotharingiae finibus agentis crescunt copiae, ita ut jam pervenisse credantur ad XX millia peditum, VI equitum, praeter quos et Helvetii nonnulli exspectantur. Tantis copiis sperat rex, ubi S. Michaëlis monasterium ab hostibus immunitum ceperit vel armis vel fame facta, se necessitatem abeundi impositurum duci Carolo². Neque inde tantum felices alios posthac nuntios speramus, sed et de Crequiaci³, Gallorum marescalli, Sabaudi⁴, Mantuani⁵, Parmensis⁶ conatibus in Hispano per Italiam possessa et Castilionaei⁷ in fines Belgicos.

Vitriacus⁸, qui provinciae Narbonensi praeest, operam dat, ut duabus maris adjacentis insulis Margaritae et Honorati, quae nuper occupatae sunt, hostem depellat turre, quae Canes dicitur in terra continente bene contra Hispanicae classis insultus defensa.

Aulae hujus proceres ex pace satis longi temporis Tuae Sacratissimae Majestatis cum Poloniae rege⁹ forte per Germaniam bellum exspectant, quae nunc, ut res sunt, unica est ad honestam et non infidam pacem via.

Deus, Serenissima ac Potentissima Regina, Domina Clementissima, et olivas et laurus Majestati Tuae prosperas serat.

Tuae Augustissimae Majestati humillimus subditus
H. Grotius.

1 Lodewijk XIII van Frankrijk.

2 Karel IV, hertog van Lotharingen.

3 Charles Créquy de Blanchefort de Canaples.

4 Vittorio Amedeo, hertog van Savoye.

5 Carlo Gonzaga, hertog van Mantua.

6 Odoardo Farnese, hertog van Parma.

7 Gaspar de Coligny, graaf van Châtillon.

8 Maarschalk Nicolas de l'Hospital, markies van Vitry (1581-1644).

9 Wladislas VII (IV).