Briefwisseling van Hugo Grotius. Deel 5

1941. 1634 juli 31. Aan Willem de Groot⁵.

Multum me consolatae sunt literae, mi frater, tuae, quibus prosperiorem optimi parentis valetudinem intelligo. Ego quas ad te rescribo literas quasi et ipsi scriptas accipi velim.

Amstelodamo Francofurtum commeant semper nuntii. Hospitium nunc ubi uxor aderit, quam cras, ut spero, una cum filio filiabusque⁶ reperiam in proximo Hanoviae oppido, sumam apud mercatorem Belgam, cui nomen Willequeari⁷. Petrus et Didericus⁸ spero eos profectus in sua quisque arte facient, ut brevi in usu aliquo esse possint.

Hic non ille tantum Iunii filius⁹ adverso rumore est, sed ei illi, qui, dum omnem undique gratiam aucupantur, tyronibus tanta onera imponant.

Gallia videtur ad motus novos spectare. Danus pacis negotium commendat annitente Anglo.

De Euangelicorum restituenda communione multi et reformati et lutherani praeclara habent mandata. Egi heri cum legatis Brunsvicensibus. Sed non potest res toto seculo corrupta subito sanari. Erumpunt nunc mala, quae Euangelicae rei attulit synodus Dordrechtana, quae parum abest, quin Ephesinae¹⁰ nomen eripuerit τῆς λῃστϱιϰῆς. Vale cum parentibus optimis, uxore tua¹¹ et liberis.

5 Gedrukt Epist., p. 850.

6 Cornelis, Cornelia en Maria.

7 Niet geïdentificeerd.

8 Over Pieter zie no. 1793, p. 73 n. 5 en no. 1922, p. 240 n. 2 en no. 1924; over Diderik zie nos. 1924 en 1916.

9 Bedoeld zal zijn Franciscus Junius Jr; zie III, p. 197 n. 2. Hij was een zoon van de Leidse professor Franciscus Junius (du Jon; 1545-1602).

10 Het bekende algemene concilie van Ephese, gehouden in 431.

11 Jan de Groot en Aeltgen van Overschie; Alida Graswinckel.

[p. 265]

Francofurti, 31 Iulii 1634 novi Cal.

Cras itidem hic exspectatur legatus Oxenstiernius¹ multa habens de Anglis querenda.

Tui amantissimus frater
H. Grotius.

1 Johan Oxenstierna; zie no. 1977, p. 313 n. 2.