Briefwisseling van Hugo Grotius. Deel 5

1921. 1634 maart 24. Aan Willem de Groot⁴.

Literas, mi frater, tuas cum filiarum⁵ literis laetus accepi et vobiscum avide exspecto videre quid mihi de popularibus meis sperandum sit; nimis enim diu pendeo et multum vereor, ne calvescat occasio. Sueci ita hactenus egerunt mecum, ut debeam omnia illorum habere suspecta. Eorum, qui mihi pessime volunt, opera ipsis ad bella alenda maxime est utilis. Biennium hic sum, ex quo me lactant, nec tanto tempore aliquid offerunt, quod honestum sit acceptare. Scripsit quidem nuper iterum ad me cancellarius⁶, sed apud se de negotio toto agi voluit. Ego vero cognitis iam ipsorum artibus periculum adire timeo imminutae dignitatis. Si quid velint, per Salvium⁷ dicent, qui a cancellario iam huc redit. Ibi nihil meo nomine, ne per interpositas quidem personas postulari volo. Siquid ultro dicant, de eo doceri non sperno. Stichio⁸ interim habendae gratiae.

Deo te, parentes, liberos, uxorem⁹ commendo quam maxime possum.

4 Gedrukt Epist., p. 849; Clavis Ep. Grotii.

5 Cornelia en Maria, die bij Grotius' vertrek naar Hamburg in het vaderland waren achtergebleven.

6 De Zweedse rijkskanselier Axel Oxenstierna.

7 De Zweedse agent voor Saksen en Westfalen, Johan Adler Salvius (1589-1652), die te Hamburg resideerde.

8 Christoffel Sticke, heer van Breskens, raad van Georg Wilhelm, keurvorst van Brandenburg.

9 Alida Graswinckel.

[p. 240]

Valete.

24 Martii 1634.

Tui amantissimus frater
H. Grotius