Briefwisseling van Hugo Grotius. Deel 5

1789. 1632 september 11. Aan B. Aubéry du Maurier⁶.

Facis more tuo, vir amplissime, cum mei curam tam amice geris. Ego tibi meis de rebus certi nihil significare possum. Haereo in villa ad Albim undique circumspectans, cui me potissimum credere debeam. Certe nisi nimium mihi

6 Gedrukt Epist., p. 109; Ep. ad Gallos, p. 297.

[p. 70]

placeo, inveniemus aliquem, qui nos paulo pluris faciat quam illi, quorum dignitati, saluti, commodis, tanta pars vitae meae impensa est. Et tamen utcunque res ceciderit, perferre jubebimus fortem animum. Mollis sit necesse est, si cui tanta malorum consuetudo callum non obduxit.

Ad filium tuum¹ scripsi velut meopte impulsu et spero nec ingratas illi pro eo, quo ipsum prosecutus sum amore nec inutiles literas fore. Commendavi eas Marbaldo², ut et has ad te.

Uxor nunc mecum est unaque tibi, tuae³, tuis ea optat omnia, quae optare jus fasque est. De aula cogitandum filio tuo non arbitror. Si tamen pertendit, nullus est dignior, ad quem se applicet Sueciae rege⁴, apud quem multum valere poterit Camerarii⁵ commendatio.

11 Septembris novi Kal. Anno 1632.

1 Louis; zie no. 1790.

2 Pierre Marbault, heer van Saint-Laurens, ouderling van de protestantse gemeente van Charenton; hij was een verwant van Du Maurier. Zie II, p. 60 n. 4.

3 Renée de Jaucourt de Villarnould; zie III, p. 72 n. 1.

4 Gustaaf II Adolf.

5 Ludwig Camerarius (1573-1651).