Briefwisseling van Hugo Grotius. Deel 5

1767. 1632 juni 11. Aan Willem de Groot⁵.

Iam nunc, mi frater, tuas XXVIII Maii scriptas accipio, recentes satis, quod gaudeo. Plane id, quod scripseram⁶, fieri cupio et spero ita posse fieri, ut te extrices. Amici facile aliquid reperient. Satis peccatum est aliena et ignava sequendo consilia. Tandem aliquando mea in re mea valeant. Honoris res agitur, qui mihi commodis omnibus potior; nec res moram fert, nisi nos ipsos volumus prodere. Uxor nihil factura est, quod non meis decretis conveniat itaque non est quod exspectetur. Si res unquam melius procedent in patria, proderit τὸ γενναῖον. Si manent quo sunt loco, redire, etiamsi omnes me velint, nolim. Illud, quod tanquam periculosum notas, imprimis necessarium est: sciri a populo quae in nos acta sunt publicitus improbata. Ἀϱχ.⁷ nulla est mihi posthac habenda ratio nisi ut hominis

5 Hs. U.B. Leiden, coll. Pap. 2. Eigenh. oorspr. Gedrukt Navorscher LIII (1903), p. 537.

6 Wellicht is no. 1765 bedoeld.

7 Staten van Holland; vgl. no. 1765, p. 46 en n. 3 aldaar.

[p. 48]

palam inimici. Tibi in foro versanti nocere non potest et mihi mea primo loco ponenda sunt. Hertogveldio¹ nihil debeo neque ego auctor ei fui aliter loquendi quam res erat. Dies plane mutandus non est; in eo enim maximum situm est momentum, ut appareat jam tum a me reverentiam rectoribus exhibitam. Si tamen malint amici poni ‘gedaen behandigen’ quam ‘behandight’ in superscriptione, non obsto. Advocati² sciunt responsa omnia posse publicari et exstant exempla plurima. Contractum³ et promissionem indemnitatis⁴ edi necessarium non putabam, cum summa eorum sit in libello et responso⁵ et utrumque reperiri possit in actis oppidi. Si tamen pater⁶ aliter censet, patiar valere ejus hac in re sententiam. Nam ut quod hac in re consului improbet vir recti et generosi amans, non metuo. Ego ut tibi caveas probo, caeterum nisi ut hoc fiat ab amicis impetro, video nihil posthac ab illis mihi sperandum.

Vale mi frater cum uxore⁷ et liberis. Ex villa Dochinsghusiana ad Albim. XI Iunii/I Iunii 1632.

Tuus tui amantissimus frater
H. Grotius.

1 Cornelis Hartigsvelt, lid van de vroedschap van Rotterdam.

2 Mr. Adriaen van der Goes († 1632), advocaat voor den Hove van Holland en rekenmeester van Frederik Hendrik; Mr. Quirijn van Strijen (zie IV, no. 1364, p. 8 n. 3) en Nicolaes van Sorgen (IV no. 1698, p. 461 n. 2).

3 Zie IV, bijlage no. 15.

4 Zie IV, bijlage no. 16.

5 Vgl. no. 1765.

6 Jan de Groot.

7 Alida Graswickel.

Adres: E. hoochgeleerde Mr. Willem de Groot advocaet voor den Hove van Hollant In sGravenhage.

In dorso: Hug. Grotii I/XI Junij 1632.