Briefwisseling van Hugo Grotius. Deel 4

[p. 157]

1473. 1630 januari 18. Aan Willem de Groot¹.

Mi frater,

Tibi quoque hic si nihil aliud, salutem oppono tuisque omnibus, et quas vides his inclusas Reigersbergio² continuo tradas oro. Catalogum Golii³ accepi et miror librorum copiam. Edetur hic, nam jam ante index sed Arabicis characteribus ad Gazendium philosophum antiperipateticum⁴ Vossio notum pervenerat, qui Syro Gabrieli⁵ tradidit. Collatio duorum catalogorum editionem et emendatiorem et utiliorem faciet, qua in re meam quoque operam non patiar desiderari, ut Golio, viro optime de literis merenti, suus constet honos. Conditionum, quas addi, dicis abs iis, qui induciis non praefracte reluctantur, prior aequa est, dum ne jus praedandi cum pace temporaria misceri posse credatur, altera forte habebit suas disputationes.

Vale cum optima conjuge⁶, liberis, amicis.

18 Ianuarii 1630.

Tui amantissimus frater
H. Grotius.

1 Gedrukt Epist., p. 824.

2 Waarschijnlijk Nicolaes van Reigersberch.

3 Voor de lijst van de door de orientalist Jacob Golius van zijn reis naar het Oosten meegebrachte boeken en handschriften zie n^o. 1447, p. 127 n. 1.

4 De filosoof en astronoom Pierre Gassendi (1592-1655); voor zijn uitgave van Golius' lijst zie n^o. 1447, p. 127 n. 1.

5 Gabriel Sionita; zie over hem p. 10 n. 6.

6 Alida Graswinckel.