Briefwisseling van Hugo Grotius. Deel 3

1123. 1627 januari 23. Aan Willem de Groot².

Tuas, mi frater, 3 Ianuarii datas hodie demum, id est 23, recipio. Gratias habeo pro iis, quae mandas, praecipue de conditionibus hostilibus. Siquid promovetur, rogo, me facias certiorem: ut et de scopulis, ad quos adhaerescit fedus Gallicanum³.

Res navigationis⁴ a Riceliaco valde urgetur et a toto caetu evocatorum. Missi sunt trecenti milites ad recuperandam insulam objectam Americae. Ego video, siquis prudens rector adsit negotio, multum posse profici non sine nostrorum detrimento. Omnia, quae antehac tibi commendavi, iterum commendo et rogo, si quos nostri amantes videris, certos eos facias perseverare me in vetere sententia de Republica ac de moderandis dissidiis ecclesiae.

Vale cum parentibus, sorore nostra⁵, marito, uxore tua⁶ et amicis omnibus.

23 Ianuarii 1627.

Tuus totus
H. Grotius.

2 Gedrukt Epist., p. 795.

3 Zie n^o. 1106, p. 80 en n. 7 aldaar.

4 Zie n^o. 1113, p. 89 n. 8 America = Armorica = Bretagne.aant.

5 Adriana, gehuwd met Frederik van Losecaat.

6 Alida Graswinckel.