Briefwisseling van Hugo Grotius. Deel 2

900. 1624 Mei 12. Aan Jan de Groot³.

Literas a te, Parens optime, accepi, simul et a fratre datas 21 Aprilis; sed et illae perlatae sunt quas ad uxorem 13 Aprilis per cursorem extraordinarium dederas. Habeo gratiam pro omnibus quae nuntiatis, et siquid scitu dignum occurat rogo ne parcatis operae. Ego hic tentabo an alteram partem instaurati congiarii possim extorquere. Nostri Legati⁴ opipare excipiuntur cum magna spe adipiscendae pecuniae ad quingenta millia scutatorum. Maurerius in Aula est et dicitur satis accurate, quae apud nos acta sunt exponere. Putatur Espessaeus⁵ ad vos iturus postquam dimissa erit nostrorum Legatio, cui satis serio Rex commendabit causam Catholicorum Romanensium. Quod frater scribit de allegando Syndico Amstelodamensi, id ipsum hic etiam per aliorum literas nuntiatur; et quidem

3 Gedrukt Epistolae p. 776.

4 Zie p. 350 n. 2.

5 d'Espesse; zie p. 334 n. 3.

[p. 368]

eum destinari, qui nihil minus quam hoc cogitat. Mansfeldius creditur ante abitum clam Regem aut visurus, aut iam vidisse. Quod frater scribit de Amstelodamensi privilegio satis speciale est: nam alioqui nulla est poena, integro, ut Suetonius¹ loquitur, patrimonio exsulare; et apud Tacitum² rideretur non inops exsilium. Pleraque vero privilegia nostrarum urbium hunc in modum concepta sunt: ne plus confiscari possit quam corpus et tot libras, unde videtur non improbabile dici a fisci patronis, ut intra illam summau consistat publicatio requiri ut corpus reipsa publicetur. Sed hoc sicut adversus exsules speciose dicitur, ita non video quomodo Hogerbetio obiici possit, cuius corpus poena attinetur. Utinam optimo seni aliquid lenimenti impetrari possit. Ego libenter adero occasionibus. Spes est venturum huc Haium, cui cognomen Carlilio³, ex Britannia petitum Regis sororem in matrimonium Regis filio. Venit ad vos Bulionius⁴; sed et filius Espernonii, Candala⁵, novae cohortis ductor. Riceliacus Cardinalis intimus Reginae matri incipit plurimum posse in Regni rebus. Quidam et de Condaei Principis in Aulam adventu rumores serunt. Videntur plane res Aulae nondum esse stabili in loco. Valete. Rogo a nobis salutetur mater, frater cum uxore, soror cum marito et liberis, amici, cognati, affines. 12 Maii 1624.

Literas has nuper mitti oblitas rogo aliquis curet.

Tibi obedientissimus fillus
H. Grotius.

1 Suetonius, Caesar 42.

2 Tacitus, Ann. XII, 20, 8.

3 Zie p. 359 n. 6; p. 366 n. 2.

4 Frédéric Maurice de La Tour d'Auvergne, hertog van Bouillon; zoon van de p. 356 n. 7, genoemde Emiliaaant. van Nassau.

5 Zie p. 366 n. 1.