Briefwisseling van Hugo Grotius. Deel 2

625. 1621 Maart 29, Van Jan va de Wouwer⁶.

Clarissime Doctissimeque Groti.

Tene evasisse dirum carcerem? Tene tot aerumnis exantlatis, Antverpiam nostram amabilem et amoenam urbem tenere? O feliciter; gratulor ore intimoque corde, tibi, nobis, et Musis sacris. Sane Clarissimo Roelantio Syndico⁷, de adventu

6 Hs. U.B. Leiden, cod. Pap. 2. Gedrukt Epistolae ex museo J. Brant p. 25. Schrijver is de Antwerpsche philoloog, Joh. Woverius met zijn Latijnschen naam, die te Antwerpen conseiller was en in dezen tijd tot lid van den Raad van Financiën te Brussel benoemd was.

7 Jacques Roelants, 1611-1616 en 1618-1625 pensionaris van Antwerpen.

[p. 61]

tuo et insperatissima evasione hodie diserte disserenti, fidem negassem, nisi in schedula chirographi tui signum avidis imo anhelantibus oculis aspexissem. Bene est; te iterum corde amplector, et gaudeo. Debebatur tibi, iterum dico, debebantur Musarum Genio, ne squallor carceris, ne infelicitas infidae rebellionis diutius ingenii tui elegantiam premeret. Ecce libertati et Regi redditus es; Optimique Principis securitas te iam complexa est. Amabo te singula circumspice et pondera. Ego ante annum honesto munero a Serenissimo Principe meo honestatus, hic Bruxellis habitare coepi; ibi te brevi spero, vel Antverpiae videbo complectarque; et suavitate ingenii tui fruar. Macte virtute ista. Pulchrum est benedicere, etiam bene facere haut absurdum. Salve mi Groti et redama; etiam rescribe. Bruxell. CIƆIƆCXXI. IIII Kal. April.

Ex animo deditissimus
Ioannes Woverius
Antverpiensis.

In dorso schreef Willem de Groot: Wouwerius Antverpiensis VIII Kal. Apr. 1621. Gratulatur fratri Grotio quod carcerem evaserit et invitat ut se adiungat illorum partibus.