Briefwisseling van Hugo Grotius. Deel 1

394. 1615 April 1. Aan G.J. Vossius⁵.

Hagam profectus egi cum D. Oldenbarneveldio et Mylio de Steinfurtensibus literis⁶. Sperat Mylius se intra octavum diem Durdrechti futurum, ut Collegii regimen tibi deferat. Si non potest tam diu retineri tabellarius - quod vix videtur - consultissimum erit, ut eas des litteras Steinfurtum, quae spem adventus

5 Gedrukt Epistolae p. 16.

6 De tweede brief van Timpler, van 16 (26) Maart, in Vossii Epistolae: ad Vossium p. 10.

[p. 378]

tui si non praecidant, certe imminuant. Honestissimus color mihi videtur, quod uxor aegre divelli se patiatur a cognatis, affinibus, amicis. Si talis aliqua epistola praecesserit, minus postea offendet plena recusatio. Haec nobis videbantur. Si quid repereris melius, uteris tua libertate. Compella quaeso memoriam tuam, si quid usquam recte dictum observaveris περὶ τῆς ἀπολυτρώσεως, ut nos pro vera et Catholica sententia laborantes iuves. Vale Vir Clarissime, cuius colloquio frui multum aveo. Kal. Aprilis 1615.

Tibi addictissimus
H. Grotius.