Briefwisseling van Hugo Grotius. Deel 1

149. [1608] Nov. 27. Aan D. Heinsius².

Clarissime Domine.

Scripsi ad te nuper de Indicanis nostris. nondum puto te Typographum invenisse. nam alioqui scripsisses. tamen id qualecunque est, fac sciam quaeso, ne diu pendeam. Multas habeo rationes editionem festinandi. in quibus, satis scio, adiuvabis me si potes. Scripseram et de Rabano Mauro quem Praeses Ianninus utendum a bibliotheca publica receperat. Si forte literas non receperis, poteris ex his intelligere quid prioribus significaverim. Vereor, ne te Scaligeri sequior valetudo detineat. tamen aliquid tibi temporis tui salvum esse debet, et amicis minoribus. Utinam iter Zelandicum tibi arrideat. Neque enim debes, si eo iturus, ire eo tempore, quo Scottus³ et Vosbergius⁴, tui amantissimi inde abfuturi sunt. Vale, et nos, quamvis saepe molestos, ama. XXVII Nov.

Tui observantiss.
H. Grotius.

2 Hs. U.B. Leiden, cod. B.P.G. 77. Gedrukt Burman, Sylloge II p. 420. Voor den inhoud zie p. 128 n. 1; p. 129 n. 6.

3 Apollonius Schotte, sedert 1602 pensionaris van Middelburg; in 1610 raadsheer in den Hoogen Raad.

4 Caspar van Vosbergen Jr., pensionaris van Veere.

Adres: Erntfeste hoochgeleerde wijse voorzyenige Daniel Heinsius Professeur ende bibliothecaris vande Universiteyt tot Leyden. Loont den bode.