Briefwisseling van Hugo Grotius. Deel 1

116. [1608 vóór 11 Maart]. Aan D. Heinsius³.

Anxia res est poesis praesertim in ingeniis crudioribus nec satis in ea arte recoctis. Venit mihi in mentem hodie me in choro secundo semel posuisse Nova creverunt moenia templi⁴ quod non muto, deinde sub finem eiusdem chori Per te sancti moenia templi⁵. pro quo melius erit Limina templi ne vocum duarum repetitio offendat. Similiter in Actu quarto scripsi Templi illa veteris decora quae fuerant prius⁶ quod retineo: sed in ultima Scena Tragoediae est aliud quod nimium prope accedit, nempe Saecli illa veteris decora quam longe tibi⁷ etc. Mallem igitur, Senioris aevi decora quam longe. Ignosce ineptiis, et vale mi Heinsi.

Tuus H. Grotius.

3 Hs. U.B. Leiden, cod. B.P.G. 77. Gedrukt Burman, Sylloge II p. 410.

4 Christus patiens (ed. 1608) p. 20.

5 p. 22.

6 p. 46.

7 p. 60. Beide correcties kon Heinsius nog aanbrengen.

Adres: A Monsr. Heinsius Professeur et bibliothecaire de l'Universite de Leyden.