Briefwisseling van Hugo Grotius. Deel 1

13. [1599]. Aan Joh. Meursius¹.

H. Grotius Iohanni Meursio S.

Credo te, mi Meursi, iamdudum non dicam admirari, sed querelis prosequi meam negligentiam. Carmen promisi et omisi mittere, vel literas. Excusabo me uti potero averruncans sinistriorem omnem de me suspicionem. Ex quo a te decessi, in agro Goderedano fui, ibi aliquandiu commoratus iam redeo, et - quod antea ob loci importunitatem nequiveram - iam scribo. Sed poteras - inquies - vel nocte intermedia scribere. Et sane debueram, mi Meursi, et o si! neque mihi pigendum, vel poenitendum fuerat, noctem tibi impendere, qui mihi tot totos dies. Habes ergo confitentem ex parte reum, et Carmen ipsum ex ἐγϰωμιαστιϰῷ - nisi fallor - ἱλαστιϰὸν. Have, et me quod facis ama.

1 Hs. U.B. Leipzig, cod. 0355 f. 200 en 201. Gedr. Meursii Opera XI p. 58. Voor dateering zie bij n^o. 9.

Adres: Singularis ingenii iuveni amico meo singulari Iano Meursio. In den IJserman op de Breestraet tot Leyden. De boode loon.

Bij dezen brief op een afzonderlijk blad het volgende gedicht:

Iam iam efficacem Criseos scientiam
Fatemur omnes, sive pars vilis grege
Exemta vulgi, quis datum est insistere
Consultioris semitam sententiae
Ductore Phoebo, quisque praecipuum est volup'
Integra vatum lectitare carmina,
Aut diligenti volvere auctores manu
Illancinatos, nec malis obnoxios
Censoriarum dexterarum erroribus.
Te te rogamus, Musici decus chori,
Lausque una Meursi, per novenas Virgines
Per et verendum Delphici numen Dei
Sanctamque Suadam et luculentas Gratias;
Miserere tandem totque scriptores male
Contaminatos redde honori pristino.
Tibi expiandae Barbarorum audaciae
Dat Apollo partes, et tuam poscunt manum,
Situ eruenda squalido volumina.
An vanus augur fallor? an primas tenes?
Faecata tollit ora Chalcidicus senex²,
Iam nuper adeo Meursicam implorans opem
Cum sola magni pervigilii conscia

2 Grotius doelt hier op enkele werken van Meursius: Chalcidicus senex is Lycophron; Siculus poeta, Theocritus; Varro Christiani saeculi, Arnobius. Zie p. 2 n. 5. Cato de Agricultura gaf Meursius in 1598 te Leiden uit.

[p. 12]

 

Lucerna crebro palpitaret flamine.

 

En laetus inflat Doricae vocis tubam

 

Siculus poëta; sumit et nitidam togam

 

Et apta sacris Birra Saturnalibus

 

Macrobius aevi fulgidum lumen sui:

 

Et ille Varro Christiani saeculi

 

Potior renidet deque Nationibus

 

Ducit triumphum, deque Correctoribus:

 

Et vis Catonis dia foecundi docet

 

Ruris colonos, adiuvante Meursio

 

Nec non vetusto Meursiano Codice,

 

Qui quam Catonem paene restituunt sibi!

 

Pubeda macte hac itur ad caelum via.

Hugeianus Grotius.