Archives ou correspondance inédite de la maison d'Orange-Nassau (première série). Supplément

[p. 212*]

73.
⁺La Comtesse Marie au Comte Jean de Nassau (ms.). Nouvelles diverses.

Antdorff, in ser grosser eil, den 18 Julij 1578.

... Hertz alderlipster her vatter.... wy mir E.L. schreiben, das sich dy sachen so selsam in Geldern alasen¹, das er sorg hat das E.L. me frau noch niet so balt wert holen lasen, das ist mir verwar niet lieb, den mich von hertzen verlanckt my frau undt E.L. zu sehen. Ich hoff doch, wan nou Hertzog Hans Casemir dorch ist, das es dan so kein not wert haben undt das me frau alsden, on enige gefar, zu Gelderen bey E.L. wert kommen künnen....

Wy mir E.L. auch schreiben das sy angefangen haben Kampen zu beschisen undt das es starck scharmützel for Deventer gibt, bit ich Gott das es alles zu eyn gelückseliches ent müg kommen, undt biet E.L., noch wy hermals², das sich E.L. ja wol weullen forsehen undt sich niet mutwillich in gefar geben. E.L. halben ist mir oft bange; ich hoff aber E.L. wert bisweillen an maiken³ gedenken undt sich hüten, so ser als E.L. eumer künnen. Das E.L. melt das E.L. stes⁴ so fil zu doen haben das sy niet wisen wo im der kop stet, das will ich E.L. ser wol geleben; den ich wol erachten kan das dy reuteren undt anderen mer E.L. genouck zu schaffen werden geben. Ich bit aber E.L. wüllen doch als an dys [nur] gedenken undt alles in gedult nemen. Ich hoff, wail nou dy reuteren eweck kommen, so wert E.L. eyn wenig besser rouhe haben. E.L. künnen niet geleben wy sy hir nach Hertzog Hans Casemire undt seinne reutteren verlangen; es wer verwar

+ 1578.

1 anlassen.

2 nach wie vor.

3 Mariechen (la petite Marie).

4 Holl. steeds.

[p. 213*]

⁺auch hoch vonnüten, den der feint niet euber swo¹ meillen vom onseren leger ist undt Doen Johan sol in eygener person zu Dist sin. Der ewig Gott will auf onser zeiten² sein undt genat geben, das wir dem feint widerstehen mügen undt das felt behalten, wy mir auch niet sweifel das ons Gott helfen wert, wan wir Im nor³ vertrauten undt flesig anriffen. Ich denck wol das E.L. schon vernomen wert haben das des Künincks brouder, der von Alenson, zu Bergen in Henigou ist; er sol mit 5 oder 6 pfert derin sin kommen. Gott geb das nicks darinder steck und das es als gout mach bleiben. Me Her⁴ ist vorgesteren nach Dermunt⁵ gezogen, verse⁶ mich aber er wert in eyn dack oder drey wider hir sein. Wy dy sachen weiters hir sten, wert E.L. von brifzeiger wol vernemen, besser als ich E.L. schreiben kan....

Ich hoff E.L. elsten soen wert mich gegen E.L. onschuldiget haben das mit s.L.E.L. nit geschrieben hab, undt sonst auch E.L. von Buren gesacht wert haben, das ich E.L. biet das E.L. daran will sein, wy bisher, das dy reutter dohin niet komme, wy mir gar niet sweiffelt das E.L. als das best doen wert, undt het E.L. darmit niet lasen bemüe, den ich das vertrauen zu E.L. habe das E.L. gerne sehen das kein schade do gesche, so hatte mich aber dy arme onderdanne so ser lasen bitten das ich E.L. darin sol gemane lasen das E.L. noch als das best doen wult, das ich's inne niet hab kunnen abslagen; hab derhalben E.L. nochmals darum geschrieben, undt hoff E.L. wert mir's niet for eubel auffnemen. Ich wult das ich das geluck mücht haben das ich E.L. sehen mücht, den

+ 1578.

1 zwey.

2 seiten.

3 nur.

4 der Printz.

5 Dendermonde.

6 versche

[p. 214*]

⁺mich von gronde meines hertzen darna verlanckt; mich ducht es sey schir eyn jar das ich E.L. niet gesehen hab; nou wollan, ich hoff Gott wert etwen eyn gout mittel sciken¹, das wir balt mit freide zusamen werden kommen, welches ich Im von hertzen biet das es geschen müg. Ich biet E.L. wullen mich doch mit nechster botschaff wisen lasen wy es E.L. als ghet undt wy die sachen sten, undt auch ob E.L. noch lange zu Sütfe wert bleiben oder wo E.L. bleiben wert; domit wert mich E.L. eyn grosse gefalen doen, den ick gerne allezeit zeitong von E.L. habe....

E.L. gans gehorsame undt getreuwe dochter, dy zeit meinnes lebens,

M.F.v.N.v.O.

+ 1578.

1 schicken.