Archives ou correspondance inédite de la maison d'Orange-Nassau (première série). Supplément

61.
A. de Haultain au Prince d'Orange (MS.). Sur les dispositions de la Reine d'Angleterre.

*_** ‘Also in 1575 vier oorlogschepen van Vlissingen in Engeland werden gearresteerd, so is hierdoor gebeurd dat de Vlissingers in 1576 verscheidene Engelsche schepen met geweld genomen hebben; .. sulx dat uit dit misverstand wel groter zwarigheid soude hebben kunnen volgen. Dan de Prince van Orangien heeft dierhalven eenige beleefde brieven aen de Coniginne geschreven, om dit misverstand neder te leggen:’ Bor, I. 691^a. L'intervention du Prince désarma le courroux d'Elizabeth.

Monseigneur. Ce jour d'huy 28 de mars ay reçu deux

[p. 184*]

⁺lettres de v. Exc., l'ungne de la date du 10^e de ce moys et l'autre du 16^e. En celle du 10^e v. Exc. m'envoie la copie d'ugne resquest que le Conseille de guerre, estant pour le présent en Ziriczee, ont envoié à v. Exc., par lequel les soldas, estant yllec en garnison, se plainchent¹ de ce que on traicte leurs femmes, estant en Middelbourg, fort inhumainement; ce que ne se trouvast jamays; bien vray est que les Estas ou villes de ce pays, estant asamblé en ce lieu, ont tous par ensamble délibéré et conclu de faire sortir hors de ce pays les femmes que dessus mentionnés et [pas] laisser par elles tousjous aux dis villes plus que ungne compagnie de gens de piedt. Non obstant la résolution des dits villes, je leur faict donner moien de vivre, qu'elles ont occasion d'avoir contentement à [celles cy] que leurs mary qui sont enfermés, n'ayent occasion d'avoir quelque mescontentement. Et pour respondre à v. Exc. et la lettre qu'il at pleut à v. Exc. d'escrire à Mons^r l'Admiral et à moy de la date du 16^e de ce moys, touchant la dame de nopces, je ne sçay comme Mons^r l'Admiral et moy en poulderont² user; vray est que nous sommes tenus et obligés d'ensuivre et obéir aux commandemens de v. Exc., mais je crain que en advienderat des grandes désordres et plus grandes que en pensés, veu que la susdite dame est devant tout le monde pris et donné pris, et est ce vray que ce n'est q'une femme, mais tous ses parens et aliés sont ennemys de nostre cause. Il est ausy vray samble³ et bien aprouvé que la susdite dame n'a eu aulcun passeport ny saulve-conduict de la Royne d'Angleterre, encore qu'elle face grandes instance pour la ravoir libre et franche avec meubles et immeubles; ce qui donne à

+ 1576.

1 plaignent.

2 pourrons.

3 vraiscmblable.

[p. 185*]

⁺panser à ceux de ce pays, que la susdite Royne est plus enclin à nos ennemys, que non pas à nostre cause, encore qu'elle en face la samblance: on at encor par cy-devant veu des lettres bien rigoreulx escrit de la part de la susdite Royne, mays toutes ces mesnasse n'ont encor estés mis en effect, comme j'espère encore qu'il en serat des derniers.

J'ay entendu ce jourd'huy que les Commissaires que v. Exc. et les Estas de Hollande et Zeelande ont envoié en Angleterre, sont détenus pour le faict de la dame des nopces, aussy la susdite Royne at donné jusques à deux ou trois lettres de marques sur ceux de Zeelande, tant pour la susdite dame, que pour aultre choses et le tout sans aulcune raison; doncques par ces actions à elle nous fait bien paroitre qu'el porte¹ plus nos ennemys que nostre bonne cause, et ne puis aultrement conjecturer que la susdite Royne, nous renayant² en païen, qu'à Dieu ne plaise, elle seroit celle là qui nous ayderoit à nous ruyner, et crain qu'el nous le ferat bientôt paroître, mais il fault venir au remède et les moiens: v. Exc. en serat du tout adverty par lettres et instructions, que ceux de ce pays envoient à leurs desputés, pour en faire resmonstrance à v. Exc. Quant aux nouvelles de par desa, n'at aultre choses, sinon le bruict de la pays de France, lasquelle estant faict à l'avantage de ceux de la religion causerat que le Roy d'Espaigne et la Royne d'Angleterre meteront de l'eau en leur vin. Auctant, Monseigneur, je priray Dieu de donner à v. Exc., en bonne santé et prospérité, longue et bien heureuse vie. De Middelbourg, ce 29 de mars 1576.

de v. Exc. très-humble et très-obéisant serviteur,

Alexander de Haultain.

A Monsiegneur Monsieg^r le Prince d'Oranges.

+ 1576.

1 soutient.

2 reniant.