Archives ou correspondance inédite de la maison d'Orange-Nassau (première série). Tome V 1574-1577

† Lettre DXXV.
Le Prince d'Orange à N. Brunynck. Il désire se concilier le Comte d'Ost-Frize et l'Evêque de Liège.

...Nous sommes bien marri que le faict d'Embden n'a esté tenu mieulx secret. Néantmoings nous avons depuis quelques jours ençà dépesché vers ce quartier Pompejus Ufkens, luy aiant commandé de s'addresser premièrement à Haye Maninga⁽²⁾, pour entendre et sçavoir de luy s'il troveroit mellieur de traicter avecq le Conte Jéhan en particulier, ou bien avecq les deux frères ensamble. Parquoy Monsieur le Conte Jéhan, nostre frère, fera bien de dépescher quelque homme fidel, soit Breyl ou aultre, qu'il trouvera propre pour traicter cest affaire, lequel s'addressera

(2) H. Maninga. Voyez T. IV. p. 45.

[p. 102]

⁺aussi premièrement au susdit Haye Maninga et Ufkens, pour entendre d'eulx comme il se aura à conduire en cest affaire. Quant à présenter nostre soeur Julienne en mariage au dit Conte Jean, nous sommes adverty que, pour certains respectz lesquels ne se peuvent escripre, il ne se vouldra marier. Toutesfois, en cas que Monsieur le Conte Jéhan, mon frère, treuve bon de le faire, il en pourra parler à Madame nostre mère, et à nostre soeur, pour entendre d'eulx s'ilz en seroient contentz⁽¹⁾. Et touchant ce que m'escripvez de l'Evesque de Liège, il ne seroit que bien faict dele retirer du service du Roi d'Espaigne, combien que nous ne pouvons espérer grand advantaige de nostre costé, mais bien nous semble que tout l'advantaige redonderoit sur le dit Evesque, en luy faisant avoir une bonne pension. Néanmoings on le pourra gratifier en cela, dont Monsieur le Conte Jean, nostre frère, en pourra faire parler à Frégouse, qui est à présent en Allemaigne, lequel pourra mieulx dresser cest affaire que nul aultre.... Delft, le 4^me jour de décembre 1574.

+ 1574. Décembre.

(1) contentz. Ceci n'eut pas de suite; la Comtesse Juliane épousa en 1575 le Comte Albert de Schwarzbourg-Rudolstadt.