31.
St. Goard au Roi Charles IX: Madrid, 17 déc. (*MS. P. St.G.H. 228, vol. 791). - Le Duc d'Albe en défaveur.
....Quant au Duc d'Alve, je puis asseurer (à V.M.) que s'il avoit icy quelque roide ennemy qui me voullust ayder, je l'aurois mis en ung bas chemin; je puis asseurer à V.M., encores que le Roy Cath., pour estre prudent, dissimule dextrement les fautes de ses Ministres, mesmement quant il n'y peult remédier, je sçay que en luy-mesme il est très mal satisfait du Duc, tant pour les plaintes que je luy ay faictes des mauvais procédés qu'il tenoit en ses déportemens à l'endroit de V.M., que pour ce qu'il a très bien comprisGa naar voetnoot1 et tyranniques déportements ont esté cause de mettre ses Pays-Bas en compromis, mesmes que l'on se plaint qu'il a voullu mener toutes les affaires contre le réglement que l'on luy en donnoit; comme il apert bien n'avoir voullu publier le pardon envoié de longtemps, comme je fictz entendre à V.M. de l'heure mesme qu'il fust dépesché. L'on le veult tirer de là. Mais l'on ne sçait commen, jusques à ce que l'on ne voie à quoy [procédera] le Prince d'Orange, d'autant que l'on craint, introduisant nouveau Gouverneur, que l'ambition de cestuy-cy, et peur que autre fist mieux et que cela vint à sa honte et confu-
Auteursrechtvrij