* Lettre CDIX.
Le Prince d'Orange à ses frères Jean, Louis, et Henri, Comtes de Nassau. Dispositions peu favorables de l'Empereur.
Ga naar margenoot+Messieurs mes frères, vous entendrés par la lettre de Saincte Aldegonde ce qui se passe pardeçà et pourtant n'en useray icy de redite; seulement cette servira pour vous prier que je puisse entendre de vous ce que je doibs espérer de ce que a esté icy traitté par Hellinge, et pareillement s'il y a apparence que aulcun appointement se polra faire ou non; d'autant que j'entens que l'Empereur auroit escrit au Conte Palatin qu'il vouloit assister le Duc, le priant et commandant de faire le mesme ce que n'est pas signe de paix ny d'appointement. Pourtant je vous prie m'en mander vostre advis. Et à tant, après m'estre bien affectueusement recommandé à vos bonnes grâces, prieray Dieu vous maintenir, Messieurs mes frères, en Sa sainte protection et sauvegarde. Escrit à Delff en Hollande, ce 3 d'apvril 1573.
VostreGa naar voetnoot1 bien bon frère à vous faire service,
Guillaume de Nassau.
A Messieur mes frères les Comtes Jehan, Ludwig, et Henry, Comtes de Nassau, Catzenelbogen etc.
Auteursrechtvrij