Archives ou correspondance inédite de la maison d'Orange-Nassau (première série). Tome I 1552-1565

Lettre III.
Le Prince à la Princesse d'Orange. Expédition en Champagne.

*_** ‘Marie, Reine de Hongrie, ravageait et brûlait la frontière de Champagne.’ Mezeray, p. 352.
Sur les droits de la Maison de Nassau dans l'affaire de Catzenellenbogen, voyez Arnoldi, Gesch. der Oran. Nass. Länder, III. 1. 81-163.

[p. 4]

⁺Ma femme.... Au surplus, touchant de moi, vous advertis comme je suis issi bien fâché, et vous asseure que se n'est sans vous sobhaité bien souventefois, et ne pense ancore pas si tost parti d'issi, selon qu'i veoi l'apparence, car nostre camp est desjà marché en France, et ont brullé deux cens cinquante villaige. Je voulderoi bien estre après de eulx, mais voant que ne se peut estre, je présupos que la Royne me sçait autant de gré comme aus aultres, voant qu'el me le commande ansi, et combien qu'el me doroit congi, je m'en iroi que avec deux de mes enseignes, car tous les autres sont reparti et mi en garnisons. J'espère que Dieu me donera Sa grâce de povoir veoir tous dis¹ ensemble. L'Empereur faict grant amas de gens, tant de pié que de cheval, et espère que Dieu luy donera Sa grâce pour prospéré en ces affaires, car sans cela je veoi mavése apparence de nostre affaire de Catzenelenbogen. - Le Roy de France at assiégé. Ivos et le commense à bastre bien fort, mais j'espère qu'il ne le prendera pas, avec l'aide de Dieu et les bons gens qui sont déans; car le Conte de Mansfeldt, avec aultre bone compagnie, sont là déans..... De Bins, le 24 de juing.

Je vous prie voloir fair mes humbles recommandations à madame nostre mère.

Vostre bien bon mari,

Guillaume de Nassau.

A Madame la Princesse d'Oranges.

+ 1552. Juin.

1 dix.