Priuilegie.
OPT VERSVECK GHEDAEN INden Secretẽ Raet des Conincx van vvegẽ Ians de Laet, ghesvvorẽ drucker eñ boeckvercooper binnen der stadt vã Antvverpen, Tenterende ten eynde dat hem alleene met seclusie van allen anderen toeghelaten ende ghepermitteert vvordde te moghen druken ende vercoopen die Epistelen ende Re|sponsijf brieuen op de epistolas heroidvm ovidii, ghemaeckt by Cornelis van Ghistele, gheuisiteert eñ geapprobeert by Heeren eñ meesteren Ianne à Fine, Prochiaen der kercken van onser lieuer Vrouvven binnen Antvverpẽ voorscreuẽ. onsen heere die coninck als Hertoch van Brabant. Nae dien hem vander voorscreuen visitatie ende approbatie ghebleken is, dat dboecxken voorschreuen goet is, niet quaets begrijpende, heeft toeghelaten, gheoorloeft, gheconsenteert, eñ gepermitteert, Laet toe, oorloeft, consenteert ende permitteert by desen den voorschreuẽ Ianne de Laet suppliant, dat hy tvoorschreuen boecxken nauolgende der correctien daer op ghedaen, soo verre daer eeni ghe geschiet is, sal mogẽ druckẽ, vercoopẽ, eñ distribueren alomme binnẽ allẽ dẽ Lande vã hervvaerts ouer daert hẽ goetduncken eñ gelieuen sal. Sonder daeromme tegen die voorscreuẽ Conincklijcke Maiesteyt oft zijne ordinantien, verboden eñ placcaten te misdoene. Behoudelijcken dat die voorschreuen suppliant schuldich sal zijn hem in desen te reguleren nauolgende der ordinantien opt stuck vander Printerije ghemaect. Interdicerende ende verbiedende de selue met allen anderen Printers ende Librariers tvoorschreuen boecxken in drij iaren naestcomende nae te printen. Op de pene vande confiscatie vanden seluen. Ende daerenbouen te Incur reren tot behoef vande voorschreuen Conincklijcke Maiesteyt de emende van tvvintich carolus guldens by elcken van den ghenen die de contrarie daer af doen
sal. Ghedaen inder stadt van Bruessele den xxj. Aprilis Anno M. D. LIX. Nae Paesschen.
De la Torre.