Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae die wijse: Ghenade ende vrede Moet v van Godt gheschien.

Het 52. Liedeken.

GHenade van Godt den vader
Volstandicheyt en cracht
Wensch ick v beyde te gader
Dat ghy hier met eendracht
Al in Gods weghen wandelt
Mijn broeder en suster fijn
Oprechte gherechticheyt wandelt
So Christenen schuldich zijn.

[p. 199]

 

2    Een liet most ick v maecken

 

Al is mijn wijsheyt cleyn

 

Nae v begheerte wilt smaecken

 

Want suster wy en hebben pleyn

 

Nu niet veel conuersacy

 

In desen quaden tijt

 

Met weynich reuerracy

 

V in den Heer verblijt.

 

3    Sijn wy na Paulus sproken

 

Met Christum op ghestaen ⁺

 

Dat hemels is laet ons soecken

 

Tis hier so haest ghedaen

 

Nae desen tijt so wy lesen, ⁺

 

Is gheen ghenade meer

 

Laet ons als knechten wesen ⁺

 

Die wachten op haren Heer.

 

4    Die ghetrouwen moeten dragen

 

Sorge so Paulus leert

 

Malcanderen te behaghen ⁺

 

Int goede dit wel grondeert

 

Als elck wil zijn ghedachtich

 

Wat zijnen roep betaemt

 

So blijuen sy wel eendrachtich

 

Als kinderen Gods ghenaemt.

 

5    Die een huysvrou heeft eerbaerlijck

 

Recht oft hy haer had niet ⁺

+ Col, 2. 1,

+ Apo, 10, 6
Luc. 16. 25

+ mt. 24, 46
Luc. 12, 43

+ 1. cor. 7. 33
Ro. 15, 2,

+ 1. cor. 7, 29

[p. 200]

 

Die comenschapt eenpaerlijck

 

Of sy niet besaten siet

 

⁺ Een yeghelick mach hem proeuen

 

Hoe nae dat hy dit coomt

 

Die in Christus gheloouen

 

Siet dat ghy v recht beroemt.

 

5    Godt wil een volck wilt hooren

 

⁺ Die gheestelijck zijn ghesint

 

Ende wt hem ghebooren

 

Also men claerlijck vint

 

Want vleesch noch bloet eylacy

 

⁺ Gods rijck niet besitten sal

 

Siet toe ghy Christen nacy

 

Bidt waeckt int aertsche dal.

 

7    Die Heer wil v bewaren

 

Mijn lieue suster och

 

Met name ghy die sult varen

 

Ick wensch v cracht wijsheyt doch

 

Daer weynich Christenen woonen

 

Och suster hout goede wacht

 

Wilt op den Heer toch stonen

 

⁺ Slaet op die Schrift wel acht.

 

8    Die vergaderinge te verlaten

 

En mach geensins bestaen,

 

Die menschen die niet en aten

 

Mosten naet vleesch vergaen

+ 2. cor. 13, 5

+ Rom. 8. 9,
Joan, 1, 18
Joan, 3, 3

+ 1, co, 15, 50

+ Joan. 5, 39
heb. 10. 25,

[p. 201]

 

Maer die niet en verworpen

 

Gods ordonnantie goet

 

Het sy in steden of dorpen

 

Sodanighe godt wel voet. ⁺

 

9    Die in die wet des heeren

 

Haer lust hebben verstant

 

Sullen nae Dauids leeren ⁺

 

Sijn als een boom gheplant

 

Al op die water beecken

 

Och suster hier op siet

 

Nae Jeremias sproecken

 

Een drooch Jaer schaet haer niet.

 

10    Wat sal ick meer verhalen

 

Den tijt valt my te cort

 

Laet ons van hem niet dwalen

 

Die voor ons heeft wtghestort ⁺

 

Sijn bloet neemt dit voor ooghen

 

Waer mede hy ons coft dier ⁺

 

So dat wy niet en mooghen

 

Ons selue leuen hier.

 

11    Nu wil ick v beueelen

 

Den Heer al op dit pas

 

Die wil v gracy deelen

 

Want alle vleesch is gras ⁺

 

Nu broeders en susters wy leesen

 

Dat Tobias zijnen zoon

+ mat. 4, 4.

+ psalm. 1, 2
Jer. 17, 8,

+ 1, pet, 1, 19
Act. 20, 28

+ 1. co. 6. 20
Ro. 14, 7.
2, cor. 5, 15

+ Jesa. 40, 6

[p. 202]

 

⁺ Van ioncx op leerde godt vresen

 

Merckt dit exempel schoon.

+ Tob. 1, 10.