Sedighe onderwiisen der creatvren: in rhijm ghestelt

[fol. 47v]

Nec volucrem sećtere pedes.

Den slecht-aert op den steirt den voghel sout wilt legghen;
En volght hem soo langh naer deur paden, haghen, hegghen,

Dat hem naer veel gheloop den adem heel begeeft;

En sijn vermoeyde borst weet qualijck oft hy leeft.

VVat ghy wilt vanghen aen bedenckt wel uwe crachten;
Oft die ghenoeghsaem sijn om naer dat werck te trachten;

Die yet te swaer aen slaet, lichtveerdigh, onbedacht,

Lijt naermaels dat-men sijn verloren moeyt belacht.

[fol. 48r]