Sedighe onderwiisen der creatvren: in rhijm ghestelt

[fol. 39v]

Nisi cautè, peribis.

Die Musch' t'ontvlieghen meynt des Arents vreede clauwen:
Valt neder voor den Struys in even groot benauwen;

Den Schipper mijt de baeck, de clip oft quade caey,

En valt aen d'ander sijd' in ergher wiel, of draey.

De menschen over 't hooft veel onghelucken vallen;
Die d'een t'ontcomen meynt, loopt wel in't quaest van allen,

VVel hem die 't herte steets soo past op allen wint,

Dat hem Fortuyn noch doot noyt onbereet en vint.

[fol. 40r]