Sedighe onderwiisen der creatvren: in rhijm ghestelt

[fol. 32v]

Pro cultura frućtus.

Het ongheboude landt, op sijnen aert verlaten,
Maer dijstels, doornen baert, en niet dat comt ter baten:

Doch als het is door-ploecht, ghesuyvert van het rucht,

In overvloedigheyt brenght costelijcke vrucht.

Den mensch tot al bequaem, maer meest tot quaet genegen,
Van sonden zy gheweirt, en al dat Godt is teghen;

Zy op-ghestiert tot 't goet, gheoeffent van sijn jeught;

In 's Heeren liefd', en vrees, en alle lof-baer deught.

[fol. 33r]