Sedighe onderwiisen der creatvren: in rhijm ghestelt

[fol. 13v]

Euanidum ex aura pabulum.

Luy, ledigh sit dit dier, en suyght de rammel-lochte;
En uyt de bladers treckt een windighe lijf-tochte:

Met teiringh' en doots-noot dit dier dees winden derft:

Soo desen boom verdort, gheringh verdwijnt en sterft.

Eer-suchtigh ende luy gaet sulcken deel be-erven;
Die tracht naer eer en staet; can hy die niet verwerven,

Van droeven spijt verderft, verdorret, en vergaet.

Godt, die de deught bemint, den hoogen moedt weerstaet.

[fol. 14r]