Den Goddelycken Minnenpijl
(1678)–Johanna de Gavre–
Auteursrechtvrij(Op de wijse,) Ruyk Muysen, ofte ‘t soete Kindeken verheven.1.
Liefsten Godt hoe menigh reysen,
Heb ick hier met mijn ghepeysen,
Seer swaermoedelijck ghesucht,
| |
[pagina 37]
| |
Om dat ghy hier waert ghevlucht,
En hoe menigh dagh en nachten,
Heb ick u al, om staen wachten
En ghevraeght, seer onvervaert,
Aen u Waeckers waer ghy waert.
2.
Want ick vraeghde van hun lieden,
Sy en gaeven gheen bedieden,
Aen my waer ghy waert ghegaen,
Maer sy lieten my soo staen,
K’creegh hier in ghelijck vernoeyen,
T’scheen d’ack ghinck ghelaen met Boeyen,
K’voeghde my aen eenen kant,
Daer ick my alleene vant.
| |
[pagina 38]
| |
3.
K’docht ick sal alleen gaen leven,
En gheen Schepsels meer aen cleven,
Oft ick u by avontuer,
Beter vonde t’eender uer,
K’docht of ghy u hadt ghedoken,
Om dat ick had toe ghesproken,
En Bemindt de Schepsels meer,
Dan dat toe laet uwe Eer.
4.
D’eeuwigheydt nu in ghetreden,
Als ick stont in mijn ghebeden,
Met mijn hert tot heel bloot,
Quaemt ghy my in mijnen Schoot,
Soo dat ick nu met verlanghen,
| |
[pagina 39]
| |
In mijn Arms u moet pranghen,
Aenghesien dat ghy soo vry,
V presentie t’hoont aen my.
5.
Wie sal my van u nu scheyden,
Wie sal my naer t’neder leyden,
Als het hert van u en mijn,
Dusdaenight vereenight zijn,
Gheenen Vyant soo gheslaeghen,
Die my hier van u sal jaeghen,
K’ben al nu ghenoegh versterckt,
Nu u Liefd in my soo werckt.
6.
Lof o Alderliefst Beminden,
Nu ghy hebt u laeten vinden,
| |
[pagina 40]
| |
Nu ons Liefde ons tsamen vlecht,
Magh ick nu wel segghen recht,
Dat ick ben ter deser stonden,
Van t’verganckelijck ontbonden,
En gheheel by u ghevoeght,
Met ghenoeght boven ghenoeght.
|
|