Mastreechter veerskes

[p. 43]

Et onweer.

Zwarte störremwolke vlege
Wie de spooker in de nach,
Schore hagel, schore rege
Klett're neer mèt hèlse krach.

Win die huile, buim die nege
Beventeere veur hun jach;
't Dondervuur dat flikkert tegen
Ak'lig in zen gleuingsprach.

Schrik en angs in 't wèld regeere.
Zoe'ne störrem, brùllenteere,
Ao, dat is get vreisseliks!

Mer er wiik. En noe, wat is er?
Niks!
't Graas allein dat ruuk get frisser.

Mei 1863.