Tpalays der gheleerder ingienen, oft der constiger geesten

[fol. Gir]

xci.

Als Beyaert hem voelde toegherust excellent
So moedich was hi present // niet om regieren
Niemant dan sijn meester en mocht hem comen on[t]rent
Anders niemant so stout, die hem cost bestieren
Dese figuere, seyt reyn int vercieren
Als slechte lien comen, tot hooghe statuere
Ende groot worden gheacht int obedieren
Veranderen in glorieusheyt haer natuere
Als armoed wort verheuen, door auontuere
Men canse niet bestieren in eenigher landouwe
Haer dunckt dat sijt alleen sijn van valuere
Die wijs is wacht hem hier af, tsy man oft vrouwe.