Tpalays der gheleerder ingienen, oft der constiger geesten

[fol. Eviijv]

lxiiij.

Om den pot oft hi is gheschuert, is den sin
Te proeuen, men ghieter in // water claer
Gheenen wijn, ende dat om donghewin
Waer hi gheschuert, twaer verloren eenpaer
Dit is ons een expresselijck exemplaer
Willen wy proeuen eenighen vreemden teeniger stede
Segt hem een lichte sake, op dat ghi ghewaer
Muecht worden, oft hy oock is secreet in sijn sede
Anders mochty comen in groote onlede
Seydy misschien een sake swaer en suspect
Daer na mocht volghen een groote onvrede
Dus siet voor v wat ghi ontdect.