Tpalays der gheleerder ingienen, oft der constiger geesten

[fol. Evir]

lxix.

Menich goet Auteur in griecx, en latijn eersame
Ons verclaert bequame // dat in geender manieren
De kemel niet en drinct geensins, groot van fame
Wat water dat is, in wat duwieren
Sy en salt eerst trobbel maken, sonder faelgieren
Metten voeten, dats si om doen natuerlijck
Veel menschen sijn dees beeste in haer hantieren
Wel ghelijckende seer figuerlijck
Goey claer gheleertheyt sijn si stuerlijck
En beminnen meer onclaer plompheyt, dan doctrijne
Men sieghet heden sdaechs seer auontuerlijck
Hoe wel dat anders wel behoorde tsijne